काठमाडौं– काठमाडौंको कपनमा विभत्स अवस्थामा मृत फेला परेकी निरा पाण्डेको हत्या आरोपीलाई नेपाल प्रहरीको केन्द्रीय अनुसन्धान ब्यूरो (सीआइबी)ले सार्वजनिक गरेको छ। उनको हत्या आरोपमा पक्राउ परेका झापाको मेचिनगर–१० का ३५ वर्षीय विनोद विश्वकर्मालाई प्रहरीले आइतबार सार्वजनिक गरेको हो।
कपनमा भाँडा–वर्तनको पसल चलाउँदै आएकी निरा वैशाख ७ गते आफ्नै पसलमा मृत फेला परेकी थिइन्। निराको पसलमा जाने नियमित ग्राहकले उनलाई रगताम्य अवस्थामा देखेपछि प्रहरीलाई खबर गरेकी थिइन्। त्यसपछि प्रहरीको टोलीले उनलाई ‘उपचारका लागि’ भनेर अस्पताल पुर्याए पनि चिकित्सकले मृत घोषणा गरेका थिए।
निराको हत्याको १० दिनपछि प्रहरीले शनिबार झापाको धुलाबारी घर भएका विनोद विश्वकर्मालाई पक्राउ गरेको थियो। झापामा पक्राउ परेर आइतबार काठमाडौं ल्याइएका विनोदले आफूले निराको हत्या गरेको भनेर स्वीकार गरेका थिए।
1682847835.jpg)
विनोदले बयानका क्रममा आफूले सिक्री लगायत गहना र नगद लुटपाट गर्न खोज्दा प्रतिकार गर्दै ‘आक्रमण’ गर्न खोजेपछि चक्कु प्रहार गरेको बताएका छन्। निराले आफूमाथि आक्रमण गर्न थालेपछि उनकै पसलमा रहेको चक्कु समातेर प्रहार गरेको विनोदले बयान दिएका छन्।
निरामाथि चक्कु प्रहार गरेर उनी ढलेपछि नगद तथा गहना लुटपाट गरेको र त्यहाँबाट भागेर आफ्नो डेरामा पुगेको विनोदले बयानका क्रममा उल्लेख गरेका प्रहरी स्रोतको भनाइ छ। उनले चक्कु मनोहरा खोलामा फालेर, आफ्नो जिउको माथिको लुगा (आउटर) फेरेर कोठामा पुगेको पनि बयान दिएका छन्।
हत्याको ४ दिनसम्म कोठामै बसेर त्यसपछि झापास्थित घरमा पुगेको विनोदले बयानका क्रममा बताएका छन्। हत्याको १ हप्तासम्म पनि प्रहरीले घटनाको सम्बन्धनमा कुनै ‘सुराक’ समेत फेला नपारेको भन्दै आलोचना भएपछि सीआईबीकी एआईजी बज्राचार्यको नेतृत्वमा शुक्रबार अनुसन्धान समिति गठन गरिएको थियो।
1682847835.jpg)
समितिमा जिल्ला प्रहरी परिसर काठमाडौंका एसएसपी दानबहादुर कार्की, उपत्यका अपराध अनुसन्धान कार्यालयका एसएसपी डा मनोज केसी, ब्युरोकै एसएसपी दिनेश आचार्य, एसपी धर्मराज भण्डारी, प्रहरी वृत्त बौद्धका डीएसपी हरि बस्नेतलगायत छन्। समिति गठन भएको दोस्रो दिन नै विनोद पक्राउ परेका हुन्।
1682847836.jpg)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
