एमाले अध्यक्ष ओली अस्वस्थ, प्रचण्ड र देउवा बालकोट जाँदै

राजनीति

नेपाल लाइभ सोमबार, वैशाख ४, २०८० ०७:२०

काठमाडौं– नेकपा एमालेका अध्यक्ष केपी शर्मा ओली अस्वस्थ भएका छन्। ओली अस्वस्थ भएका कारण पछिल्लो समय शीर्ष नेताको तहमा भइरहेको भेटवार्ता समेत प्रभावित भएको छ।

संसद्‌मा विचाराधीन रहेको संवैधानिक परिषद्‌सम्बन्धी विधेयक र सत्यनिरूपण तथा मेलमिलाप र वेपत्ता पारिएका नागरिक छानबिन सम्बन्धि विधेयकलाई अगाडि बढाउन शीर्ष नेताहरू बीच छलफल भइरहेको थियो। सभामुख देवराज घिमिरेको पहलमा २ पटक प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र एमाले अध्यक्ष ओलीबीच भेटवार्ता समेत भएको थियो।

तर, एमाले अध्यक्ष ओली अस्वस्थ हुँदा पछिल्लोपटक हुने भनिएका भेटवार्ताहरु प्रभावित भएका प्रधानमन्त्री प्रचण्डको सचिवालयले जानकारी दिएको छ।

अध्यक्ष ओलीको स्वास्थ्यावस्था बुझ्न र संसद‌्‌मा रहेका विधेयकहरुबारे छलफल गर्न सोमबार बिहान प्रधानमन्त्री प्रचण्ड र कांग्रेस सभापति देउवा सोमबार बिहान ओलीको निजी निवास भक्तपुरको बालकोट जाने भएका छन्। प्रधानमन्त्री प्रचण्डको सचिवालयका अनुसार प्रचण्ड र देउवा सोमबार बिहान ९ बजेतिर बालकोट जान लागेका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

प्राणायामले तनाव र डिप्रेसन घटाउन कसरी काम गर्छ?

मालीमा जिहादी आक्रमणमा ३२ जनाको मृत्यु

थारू सीप र संस्कृतिको प्रवद्र्धन गरौं : सभापति देउवा