काठमाडौं- हिन्दु धर्मको वृहत खोज र अनुसन्धान गर्ने उद्देश्यले तयार पारिएको हिन्दु विश्वविद्यालय सम्बन्धी अध्ययन प्रतिवेदन सरकारलाई बुझाइएको छ। उक्त प्रतिवेदन संस्कृति पर्यटन तथा नागरिक उड्यन मन्त्री सुदन किराँतीलाई बुझाएको छ।
विश्वविद्यालय स्थापनाका लागि सरकारको मापदण्ड अनुसार २ सय रोपनी जग्गाको आवश्यकता पर्ने भन्दै पशुपति विकास कोषको स्वामित्वमा रहेको कागेश्वरी मनहरा नगरपालिका-८ गोठाटारमा ५३४ क्षेत्रफल जग्गाबाट आवश्यक जग्गा उपलब्ध गराउन सकिने कुरा प्रतिवेदनमा उल्लेख गरिएको छ।
त्यस क्षेत्रमा विश्वविद्यालय स्थापना हुँदा स्थानीयहरूलाई रोजगारीको अवसर प्राप्त हुने र त्यस क्षेत्रकै गरिमाका साथै स्थानीयवासी लाभान्वित हुने जनाएको छ। प्रस्तावित विश्वविद्यालयले नेपालको कानुन, दर्शन,संस्कृति सभ्यता र परम्परा र रैथाने विषयमा अध्ययन केन्द्रित रहने जनाइएको छ।
संस्कृति पर्यटन तथा नागरिक उड्यन मन्त्रालय र पशुपति क्षेत्र विकास कोष यसको संस्थापक सदस्य भए पनि शैक्षिक,नीति नियममा शिक्षा मन्त्रालयको भूमिका रहने प्रतिवेदनमा उल्लेख छ।
प्रतिवेदन तयारी समितिका संयोजक डा जगमान गुरुङले विभिन्न विज्ञ व्यक्तिहरूको राय, सुझााव र सल्लाहमा प्रतिवेदन तयार पारेको दाबी गरे। उनले नेपालीहरूले नेपाल र नेपाली नचिनेको बताउँदै कस्तुरीले आफ्नो गन्ध थाहा नपाएजस्तै भएको टिप्पणी गरे।
पशुपतिनाथप्रतिको श्रद्धा विश्वास भएको उल्लेख गर्दै पशुपति हिन्दु विश्वविद्यालय बनाउनका लागि संस्कृति, पर्यटनमन्त्री सुदन किरातीको महत्त्वपूर्ण देन भएको भन्दै प्रशंसा गरे।
त्यसैगरी, मन्त्री किरातीले हिन्दु विश्वविद्यालयको सोच नै नयाँ भएको बताए। उनले नेपालमा थुप्रै समिति बन्ने गरेका भए पनि समयमै काम नसक्ने परिपाटीको अन्त्य गर्दै छोटो समयमै हिन्दु विश्वविद्यालय समितिले प्रतिवेदन तयार पारेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
