काठमाडौं– सस्तोमा जग्गा मिलाइदिने भन्दै ३२ लाख रुपैयाँ लिएर भागेका चार जनालाई प्रहरीले पक्राउ गरेको छ।
पक्राउ पर्नेहरूमा रामेछापको देउराली गाउँपालिका–२ घर भई भक्तपुर बस्ने ३९ वर्षीय राजेश श्रेष्ठ, पाँचथरकझ मिक्लाजुङ गाउँपालिका–४ घर भइ काठमाडौं गुर्जुधारा बस्ने ५२ वर्षीय जनक रेग्मी, मोरङको बेलबारी नगरपालिका–६ घर भइ झापाको मेचीनगर नगरपालिका–६ बस्ने ५५ वर्षीय रणबहादुर पोखरेल र झापाको कमल गाउँपालिका–५ का ५२ वर्षीय विजय राई रहेका छन्।
बिहीबार झापाको अर्जुनधारा नगरपालिका–११ बसपार्कस्थित दुई कठ्ठा जग्गा सस्तोदरमा बिक्रीमा रहेको छ खरिद गर्न आउनु भनी राजेश श्रेष्ठसहितका दुई व्यक्तिले मोरङ उर्लाबारी–४ की ५२ वर्षीया विष्णुमाया सापकोटो सुवेदी र अनिल विश्वकर्मालाई झापा बोलाई बैना कागज समेत नगरी विष्णुमायाको साथमा रहेको नगद ३२ लाख लिइर उनीहरू फरार भएका थिए।
प्रहरीले घटनाबारे जानकारी पाएपछि उनीहरूको खोजी सुरु गरेको थियो। नगदसहित दुई जना मानिसहरू इलामतर्फ गएको खुलेपछि तत्काल जिल्ला प्रहरी कार्यालयसँग समन्वय गरिएको झापा प्रहरीले जनाएको छ।
सोही क्रममा शुक्रबार इलाम प्रहरीले इलाम नगरपालिका–७ पुरानो बसपार्कस्थित देउराली होटलमा लुकिछिपि बसेको अवस्थामा नगद १४ लाख ६५ हजारसहित राजेश श्रेष्ठ र जनक रेग्मीलाइ पक्राउ गरेको थियो।
सोही घटनामा संलग्न रहेका रणबहादुर पोख्रेल र विजय राईलाइ इलाका प्रहरी कार्यालय अनारमनी झापाबाट खटिएको प्रहरी टोलीले शुक्रबार नै अर्जुनधारा–११ स्थित थापा होटल एण्ड लजको कोठा नम्बर १०१ मा लुकिछिपि बसेको अवस्थामा नगद १३ लाखसहति पक्राउ गरेको हो।
झापा प्रहरीका डीएसपी खगेन्द्र प्रसाद रिजालका अनुसार पक्राउ परेकामध्ये विजय राई र रणबहादुर पोख्रेरले ठगी गर्ने योजना बनाइ विजयले एकै गाउँका विष्णुमाया सापकोटालाई भेटी अर्जुनधारा–११ स्थित नयाँबसपार्कमा दुई कठ्ठा जग्गा रहेको र उक्त जग्गा सस्तोमा मिलाइदिन्छु भनी विश्वास दिलाएका थिए।
विजयले चिनजानकै मानिस राजेश श्रेष्ठ र जनक रेग्मीलाई सम्पर्क गरी जग्गा खरिद गर्ने मानिस आउँदैछ भनी चैत २८ गते झापा बोलाएका प्रहरी अनुसन्धानबाट खुलेको छ।
त्यसपछि विजय राई, जनक रेग्मी, रणबहादुर पोख्रेल र राजेश श्रेष्ठ अर्जुनधारा–११ मा भेटेर संयुक्त योजना बनाएको र बिहीबार विष्णुमाया सापकोटा छिमेकी डम्बरबहादुर विश्वकर्मासँग साथमा नगद ३२ लाख रूपैया बोकी उनीहरूले भनेकै ठाउँ पुगेकी थिइन्।
त्यसपछि विजय राई समेतले योजना अनुरुप सुरुमा जग्गा बैना गर्नुपर्छ भनी बैना कागज समेत नगरी सापकोटाको साथमा रहेको नगद ३२ लाख लिएर फरार भएको प्रहरीले जनाएको छ। यस विषयमा थप अनुसन्धान भइरहेको झापा प्रहरी प्रवक्ता, डीएसपी रिजालले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
