ओलीको प्रश्न- उपेन्द्र यादवले जितेपछि फूलमाला र अबिर लगाउने बाहेक के गर्नुहुन्छ?

राजनीति

नेपाल लाइभ बुधबार, चैत २२, २०७९ १६:४७

काठमाडौं- नेकपा एमालेका अध्यक्ष केपी शर्मा ओलीले बारा- २ को उपनिर्वाचनमा उम्मेदवार बनेका उपेन्द्र यादवले जितेर केही नगर्ने बताएका छन्। चुनावी सभाका लागि सोमबार बाराको गढीमाइ पुगेका उनले उपेन्द्र यादवले जितेपछि फूलमाला लगाउने बाहेक केही नगर्ने बताए।

‘उहाँ जितेर के गर्नुहुन्छ? उहाँले जितेपछि फूलमाला र अबिर लगाउने बाहेक के गर्नुहुन्छ? मन्त्री खानुहोला। मन्त्री खानुहुन्छ, त्योभन्दा बढी के गर्नुहुन्छ? विकास गर्नुहुन्छ? उहाँबाट विकास हुन्छ?’, उनले भने।

यादव पहिले मोरङ, सुनसरी र सप्तरीबाट चुनाव हारेपछि बारामा सोझा जनता छन् भनेर बारामा आएको ओलीले कटाक्ष गरे।

ओलीले यादवलाई चुनावका बेलामा आपत् परेका बेला एमालेले साथ दिएको तर, पछि भूमिका बदलेको बताए। ‘अस्ति उहाँलाई आपत् परेका बेला, सबैले छाडेका बेलामा, उहाँलाई कांग्रेसले छोड्यो, माओवादीले छोड्यो, अरुले छोडे। त्यसबेला नेकपा एमालेले आऊ मिलेर सँगै जाऔँ, हामी साथ छौँ भनेर लिएर गयौँ। माथि पुगिसकेपछि उहाँको भूमिका त बेग्लै देखिन थाल्यो’, उनले भने।

मंसिर ४ को निर्वाचनमा एमाले र जसपाबीच मधेसमा चुनावी गठबन्धन भएको थियो। सप्तरी- २ मा पनि जसपा उम्मेदवार यादवलाई एमालेले सघाएको थियो। तर, यादव जनमत पार्टीका अध्यक्ष सीके राउतसँग पराजित भएका थिए।

यादवले आफूहरूसँग आएर राम्रो कुरा गर्ने गरेको तर, अन्त गएर षडयन्त्र गरेको ओलीको आरोप छ। ‘अहिले उहाँ देश लुट्न बनेको १० दलीय गठबन्धनको एउटा गठबन्धने सदस्य हुनुहुन्छ। उहाँले जितेर के हुन्छ?’, उनले प्रश्न गरे।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सम्पदालाई न्यायोचित रुपमा प्रयोग गर्नुपर्छ : उपप्रधानमन्त्री सिंह

आचरसंहिता उल्लङ्घन गर्ने अनलाइन कालोसूचीमा

फ्रान्सले युक्रेन बिना नै युद्धबारे छलफलका गर्न चाहेको रूसी दावी