काठमाडौं- पूर्व अमेरिकी राष्ट्रपति डोनाल्ड ट्रम्प आउने दिनमा पक्राउ पर्ने देखिएको छ। पोर्न स्टार मामलामा ट्रम्पमाथि मुद्दा चल्नेछ। यो मुद्दा सन् २०१६ मा अमेरिकी राष्ट्रपति चुनावभन्दा ठिक अघि पोर्न स्टार स्टोर्मी डेनियल्सलाई दिएको भुक्तानीलाई लिएर हुनेछ।
यो विवादमा ट्रम्पले कुन आरोपको सामना गर्ने भन्ने कुनै जानकारी सार्वजनिक गरिएको छैन। ट्रम्पमााथि मुद्दा चल्ने बाटो जुरीको भोटिङबाट सम्भव भएको हो। ७६ वर्षका ट्रम्पले यो प्रकरणमा आफूमाथि लागेको आरोप खारेज गर्दै आएका छन्। ट्रम्प पहिलो पूर्वराष्ट्रपति हुन्, जसमाथि आपराधिक मुद्दा चल्नेछ।
ट्रम्प फ्लोरिडामा रहँदै आएका छन्। अदालतको पहिलो सुनुवाइको समयमा उनी अदालतमै हाजिर हुनसक्ने अनुमान गरिएको छ। ट्रम्पको डिफेन्स टिमका अनुसार पूर्व अमेरिकी राष्ट्रपतिले आगामी हप्ता आत्मसमर्पण गर्न सक्नेछन्। अमेरिकी सेक्रेट सर्भिसलाई कोर्टमा ट्रम्पको सुरक्षाको जिम्मेवारी दिइएको छ।
के हो ट्रम्पको प्रकरण
जनवरी २०१८ मा अमेरिकी अखबार वाल स्ट्रीट जर्नलले एक लेख प्रकाशित गरेको थियो। यसमा दावी गरिएको थियो, राष्ट्रपति ट्रम्पका तत्कालीन वकिल माइकल कोहेनले अमेरिकी राष्ट्रपतिको निर्वाचनभन्दा एक महिनाघि अक्टोबर २०१६ मा पोर्न स्टार स्टोर्मी डेनियल्सलाई १ लाख ३० हजार डलर भुक्तानी गरेका थिए। जर्नलका अनुसार यो पैसा उनलाई ट्रम्पसँगको अफेयरलाई सार्वजनिक नगरी गोप्य राख्नका लागि दिइएको थियो।
कानुनी रुपमा यो भुक्तानी अवैध होइन तर जब ट्रम्पले कोहेनको भुक्तानी गर्दा त्यसलाई लिगट फि (कानुन व्यवसायी शुल्क)मा राखिएको थियो। न्यूयोर्क प्रशासनका कानुन व्यवसायीका अनुसार ट्रम्पका तर्फबाट आफ्नो दस्तावेजसँग हेरफेर गरिएको मामला हो जुन न्यूयोर्कमा एक अपराधको रुपमा राखिएको छ। सरकारी वकिलले यो प्रकरणमा ट्रम्पमाथि चुनावसँग जोडिएको नियम उल्लंघन गरेको आरोप लाग्ने बताएको छ।
ट्रम्पमाथि चुनाव सम्बन्धी नियम उल्लंघनको पनि आरोप पनि लाग्न सक्छ। किनकी, ट्रम्पका तर्फबाट स्टोर्मी डेनियल्सका लागि गरिएको भुक्तानीलाई लुकाउने कोसिस यस कारण भएको थियो कि, आफ्नो र पोर्नस्टारसँगको सम्बन्धको बारेमा मतदातालाई जानकारी नहोस्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1789631269.jpg)
