काठमाडौं– सामसङले दुई नयाँ आकर्षक फोन बजारमा ल्याएको छ। कम्पनीले ग्यालेक्सी ए३४ ५जी र ग्यालेक्सी ए५४ ५ जी लाई बजारमा ल्याएको विज्ञप्तिमार्फत जानकारी दिएको छ। कम्पनीका अनुसार लोकप्रिय ए –सिरिजका २ फोनमा अद्भुत क्यामराका साथै विभिन्न विशेषताहरू रहेका छन्।
‘हामी नयाँ सामसङ ग्यालेक्सी ए३४ र ए५४ लाई प्रस्तुत गर्न पाउँदा अत्यन्त हर्षित भएका छौं, जसले अतुलनीय मोबाइलको अनुभव दिलाउन स्लीक डिजाइन र अत्याधुनिक प्रविधि दुवै पेश गरेको छ। यी उपकरणहरुमा हाम्रो चिरपरिचित ग्यालेक्सी डिजाइन र नाइटोग्राफी जस्तो प्रमुख विशेषताहरू रहेका छन्, जसले ग्राहकहरूलाई कम प्रकाशको अवस्थामा पनि तीक्ष्ण फोटोहरु र भिडियोहरु खिच्न मद्दत गर्दछ। यो उत्कृष्टताको अनुभूति वर्षौं वर्षसम्म आइपि६७ रेटिङ्ग र गोरिल्ला ग्लास ५ को संरक्षणसहित ओएस अपग्रेडहरुको ४ पुस्ता र ५ वर्षे सुरक्षा अद्यावधिकरुका साथ टिकी रहन सक्नेछ’, सामसङ नेपालका निर्देशक प्रणय रत्न स्थापितले भने।
यी फोनमा फ्लोटिङ क्यामराका साथसाथै मोबाइलको रङसँग मिल्ने मेटल क्यामरा डेकोको सुविधा पनि रहेको छ। ग्यालेक्सी ए –सिरिजमै पहिलो पटक ए५४ ५जिमा यसलाई प्रिमियम बनावट र अनुभव दिलाउने ग्लास ब्याक विशेषता जडित छ। ग्यालेक्सी ए५४ ५जि ३ रङ्गहरु कालो, हरियो र बैजनी रङ्गमा उपलब्ध छ भने ग्यालेक्सी ए३४ ५जि पनि कालो, हरियो र सिल्भर गरी ३ रङ्गहरुमा उपलब्ध छ।
ग्यालेक्सी ए५४ ५जी र ग्यालेक्सी ए३४ ५जीको निर्माण लामो समय सम्म टिक्ने गरी गरिएको छ। यी मोबाइलहरु ३० मिनेटसम्म एक मिटर पानीमा डुब्दा पनि क्षति नहुने खालका रहेको कम्पनीको भनाइ छ। जसको लागि यसले आइपि६७ रेटिङ्ग पाएको जनाइएको छ । यसका साथै अझै बलियो बनाउनका लागि यी मोबाइललाई धुलो र बालुवा प्रतिरोधक पनि बनाइएका छन्।
पछिल्लो ए–सिरिज लन्चको, सामसङले पहिलो पटक २५६ जीबी मेमोरी भेरियन्ट लाई ६०,००० रुपैयाँमा प्रस्तुत गरेको छ । जसले किफायती मूल्यमा उच्च प्रदर्शन उपकरणहरू प्रदान गर्ने ब्रान्डको प्रतिबद्धतालाई सङ्केत गर्दछ। दुवै ग्यालेक्सी ए५४ ५जी र ग्यालेक्सी ए३४ ५जी २ वटा मेमोरी प्रकारहरुमा उपलब्ध छ, जसमध्ये ग्यालेक्सी ए५४ ५जीको ८ जीवी र्याम र १२८ जीबी आन्तरिक स्टोरेज भएकोलाई रु ५६, ९९९ रुपैयाँ पर्छ भने ८ जीवी र्याम र २५६ जीवी आन्तरिक स्टोरेज क्षमता भएकोको मूल्य रु ५९,९९९ रुपैयाँ तोकिएको छ।
यस्तै ए३४ ५जिको ८ जीवी र्याम र १२८ जीवी आन्तरिक स्टोरेज भएकोको मूल्य रु ४५,९९९ रुपैयाँ रहेको छ, जसमा माइक्रो एसडि कार्डको प्रयोगमार्फत् १ टिबिसम्मको आन्तरिक मेमोरी बढाउन सक्ने सुविधा रहेको कम्पनीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
