सरकारले ल्याएको न्यायालय सुधार योजनाविरुद्ध इजरायलमा प्रदर्शन

विश्व

नेपाल लाइभ मंगलबार, चैत १४, २०७९ १६:५८

तस्बिर : रोयटर्स।

एजेन्सी– इजरायली प्रधानमन्त्री बेन्जामिन नेतान्याहुको सरकारले ल्याएको एक विधेयकले देशभरि तनाव बढेको छ। नेतान्याहुले न्याय प्रणालीमा आमूल परिवर्तनको योजना अघि बढाउने भन्दै एक विधेयक ल्याएका छन्। जसले इजरायलमा तीव्र विरोध सुरु गराएको छ।

आफ्नाविरुद्ध जनता सडकमा आएपछि नेतान्याहुले आफ्नो पछिल्लो निर्णय तत्काललाई स्थगित गर्ने घोषणा गरेका छन्। नेतान्याहुको सरकारले न्यायपालिका परिवर्तन गर्ने नाममा आफू अनुकुलको बनाउन खोजेको भन्दै विरोध सुरु भएको हो।

सन् २०२३ को सुरुदेखि नै इजरायलका मानिसहरूले न्यायपालिका परिवर्तन गर्ने सरकारको नियतविरुद्ध साप्ताहिक प्रदर्शनमा भाग लिन थालेका थिए। सरकारले कानुननै बनाएर अघि बढ्ने निर्णय गरेपछि भने पछिल्लो समय आन्दोलनले चर्को रुप लिएको हो।

देशको राजधानीमा हजारौं मानिस सडकमा उत्रिएका छन्। देशका अन्य महानगर र सहरहरूमा पनि यस्तै प्रदर्शनहरू भएका छन्।नेतान्याहुका वि

पक्षी तथा आन्दोलनकारीहरूले सरकारले न्यायपालिकासँग सम्बन्धित कानुनमा गर्न लागेको परिवर्तनले देशको लोकतन्त्रमा गम्भीर खतरा हुन सक्ने बताएका छन्। सरकारले न्याय प्रणालीलाई कमजोर बनाउन खोजेको उनीहरुले आरोप लगाएका छन्।

इतिहासकै सबैभन्दा दक्षिणपन्थी सरकार र नेतान्याहु आफैं सार्वजनिक विरोधले घेरिएका छन्। नेतान्याहुका विपक्षीहरूले न्यायपालिकासँग सम्बन्धित नियम परिवर्तन गरेर प्रधानमन्त्रीले सुरक्षा कवच पाउने षड्यन्त्र गरेको आरोप लगाएका छन्।

नेतान्याहु अहिले भ्रष्टाचारको आरोपमा घेरिएका छन्। उनीविरुद्ध मुद्दा चलिरहेको छ। प्रधानमन्त्रीले आफूलाई बचाउन मात्रै न्यायपालिका परिवर्तन गर्न खोजेको आलोचकहरू बताउँछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

८ घण्टादेखि बिपी राजमार्ग अवरुद्ध, खोलाले बगाउँदा एक महिला बेपत्ता, खोजीकार्य जारी

मे १७ बाट पुनः सुरु हुँदै आईपीएल

संघीय संसद्का दुवै सदनको बैठक बस्दै, विनियोजन विधेयकबारे छलफल हुने