प्रोस्टेटसम्बन्धी समस्या भएकालाई लक्षित गर्दै नर्भिकले बृहत् कार्यक्रम सञ्चालन गर्ने

कर्पोरेट

नेपाल लाइभ मंगलबार, चैत १४, २०७९ १३:०७

काठमाडौं– यस वर्षको विश्व स्वास्थ्य दिवस (वर्ड हेल्थ डे)को अवसर पारेर थापाथलीस्थित नर्भिक इन्टरनेशनल हस्पिटलले प्रोस्टेट ग्रन्थीको समस्या भएका बिरामीलक्षित विशेष अभियान सञ्चालनको घोषणा गरेको छ।

आउँदो चैत २५ गते शनिबारका दिन पारेर नर्भिकले विशेष छुटसहितको बृहत् निःशुल्क जनचेतनामूलक कार्यक्रम आयोजना गर्ने हस्पिटलका प्रमुख कार्यकारी अधिकृत अजयकुमार मिश्रले जानकारी दिए।

यो कार्यक्रममा सहभागी हुनेहरूलाई निःशुल्क यूरिन डिपस्टिक टेस्टको व्यवस्था समेत गरिएको अस्पतालले जनाएको छ। साथै, प्रोस्टेटसम्बन्धी समस्याबाट पीडितको उपचारका लागि अस्पतालमा उपलब्ध प्याकेजमा ३० प्रतिशत भारी छुटको स्किम समेत सार्वजनिक गरिएको छ।

यसैगरी, सो कार्यक्रममा प्रोस्टेट स्पेशिफिक एन्टीजेन (पिएसए)को परीक्षण शुल्कमा समेत १५ प्रतिशत छुट उपलब्ध हुनेछ। शनिबार बिहान ८ बजेदेखि सो बृहत जनचेतनामूलक कार्यक्रम नर्भिकको नर्सिङ ट्रेनिङ हलमा आयोजना हुने बताइएको छ। कार्यक्रममा सहभागीले वरिष्ठ यूरोलोजिष्ट डा सुनिल श्रेष्ठ र यूरोलोजिष्ट डा सञ्जिवभक्त बिष्ट नेतृत्वको टिमबाट निःशुल्क परामर्श सेवा तथा जाँचको सुविधा पाउनेछन्।

प्रोस्टेट ग्रन्थीका बिरामीले वर्ल्ड हेल्थ डेको अवसर पारेर सार्वजनिक हेल्थ प्याकेज तथा जाँचमा छुटको सुविधा लिन तथा निःशुल्क जनचेतनामूलक कार्यक्रममा सहभागी हुन अनलाइनबाट नाम दर्ता गर्नुपर्नेछ। यो लिंकमा क्लिक गरी नाम दर्ता गराउन सकिने बताइएको छ। अथवा ०१५९७००३२ मा समेत फोन गरी थप बुझ्न सकिने अस्पतालले जनाएको छ।

नर्भिकले यसअघि आफ्नो संस्थागत सामाजिक उत्तरदायीत्वअन्तर्गत सुगर रोगबाट पीडितका लागि निःशुल्क र बृहत् जनचेतनामूलक कार्यक्रम आयोजना गरिसकेको छ। यस्ता कार्यक्रममा परामर्श सेवा, विभिन्न खालका परीक्षणहरूमा भारी छुटको स्किम समेत ल्याइने गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मौसम बदली : बादलले ढाके पनि वर्षा कम, बुधबारदेखि सुधार हुने

पूर्वसांसद मिना गुरुङ पक्राउ

सहकारी ठगी प्रकरणमा प्रतिवादीहरूको बयान जारी