ग्यालेक्सी ए३४ र ग्यालेक्सी ए५४ नेपाली बजारमा ल्याउँदै सामसङ

कर्पोरेट

नेपाल लाइभ बिहीबार, चैत ९, २०७९ १६:५८

काठमाडौं– सामसङले नयाँ ए–सिरिजका स्मार्टफोनहरू ग्यालेक्सी ए३४ ५जी र ग्यालेक्सी ए५४ ५ जीको नेपाली बजारमा ल्याउने भएको छ। ग्यालेक्सी ए३४ ५जी ४८ एमपी प्राइमेरी क्यामरा र २ एमपी म्याक्रो लेन्सका साथ आएको छ भने ग्यालेक्सी ए५४ ५जीमा ५ एमपी म्याक्रो लेन्ससहित ५० एमपी प्राइमेरी रहेको छ।

दुवै फोनहरूमा ८ एमपीको अल्ट्रा वाइड एंगल लेन्सजडित छ। यी लेन्सहरूले नाइटोग्राफी विशेषता, ब्लर कम भएको रात्रिकालीन फोटो–भिडियो, इन्हान्सड ओआइएस, पिक्सेल अटो फोकसका साथ गुणस्तरीय फोटोग्राफीको अनुभव प्रदान गर्ने कम्पनीले जनाएको छ।

ग्यालेक्सी ए३४ ५जी र ग्यालेक्सी ए५४ ५जीलाई १२०हर्जको रिफ्रेस दरमा अपग्रेड गरिएको छ। यी फोनमा पानी र धुलो प्रतिरोधक आइपी६७ र कर्निङ गोरिल्ला ग्लास ५ सुरक्षण र सामसङको सिग्नेचर नक्स सेक्युरिटी उपलब्ध छन्।

ग्यालेक्सी ए३४ ५जी र ग्यालेक्सी ए५४ ५जी मा पाँच वर्षको सुरक्षा अद्यावधिक र चार वर्षको ओएस अपग्रेडहरूको ग्यारेन्टी पनि दिइएको छ। सामसङ ग्यालेक्सी ए३४ ५जी र ग्यालेक्सी ए५४ ५जीको डिजाइन ग्यालेक्सी एस२३ को मुख्य डिजाइनसँग मिल्दोजुल्दो रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

चलचित्र ‘देववाणी’ आजबाट प्रदर्शनमा, बलिउड अभिनेता ह्यारीले दर्शकसँगै फिल्म हेर्ने

संविधान संशोधनका लागि कार्यदल बनाएर काम सुरु भइसक्यो : उपप्रधानमन्त्री सिंह

प्रतितोला एकसयले घट्यो सुनको मूल्य