होण्डा टेक्निशियन स्कील कन्टेष्ट २०२३ सम्पन्न

कर्पोरेट

नेपाल लाइभ बुधबार, चैत ८, २०७९ ११:२०

काठमाडौं– होण्डा टेक्निसियन स्कील कन्टेष्ट २०२३ भब्यताका साथ सम्पन्न भएको छ। होण्डाले आफ्नो डिलर नेटवर्कमा कार्यरत टेक्निसियन हरुको सीप र दक्षता अभिवृद्धि गर्ने र विक्री पछिको सर्भिसको सेवा स्तर उत्कृष्ट बनाउने उद्धेश्यका साथ हरेक वर्ष यस्तो कार्यक्रम गर्ने गरिन्छ।

स्याकार ट्रेडिङ्ग कम्पनी प्रा. लि. सर्भिस डिभिजनको अगुवाईमा विभिन्न ५ वटा क्षेत्रीय प्रतियोगिता सम्पन्न गरी प्रत्येक क्षेत्र वाट २÷२ जना छनोट भई राष्ट्रिय स्तरको प्रतियोगितामा सहभागी भएका थिए र सो प्रतियोगिता होण्डाको ट्रेनिङ्ग सेन्टर ग्वार्को ललितपुरमा सम्पन्न भएको हो।

यसअघि विभिन्न मितिमा क्षेत्रीय प्रतियोगिता सम्पन्न गरेको र जस अन्तर्गत काठमाडौंबाट २ जना, विराटनगरबाट २ जना, जनकपुुरबाट २ जना, पोखराबाट २ जना र भैरहवाबाट २ जना प्रतियोगीहरु छनोट भई आएका थिए।

स्याकार ट्रेडिङ्ग कम्पनी प्रालिले विगतदेखि यस प्रकारको कार्यक्रम आयोजना गर्दै आएको छ। यस प्रकारको प्रतियोगिता बाट सहभागी टेक्निशियन हरुको कार्यदक्षता अभिबृद्धि हुनुको साथै आउदो दिनमा अझै कार्यकुशलताका साथ अघि बढ्न उत्प्रेरणा मिल्ने विश्वास गरिएको छ।

प्रतियोगितामा प्रथम, द्वितीय तथा तृतीय हुने प्रतियोगीहरुले नगद तथा प्रमाण पत्र प्राप्त गरेका थिए जस अन्तर्गत प्रथम पुरस्कार बज्रअटो महाराजगन्जका केशव गजुरेल, द्वितीय पुरस्कार एसटीसी पोखराका झलेन्द« ईटानी र तृतीय पुरस्कार नौदेवी मोटर्स् बिराटनगरका बिनोद शर्माले प्राप्त गरेका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

संविधान संशोधनका लागि कार्यदल बनाएर काम सुरु भइसक्यो : उपप्रधानमन्त्री सिंह

प्रतितोला एकसयले घट्यो सुनको मूल्य

चाडपर्वले राष्ट्रिय एकतालाई थप मजबुत बनाउन सहयोग पुग्छ : राष्ट्रपति पौडेल