काठमाडौं– रोयल इनफिल्ड मोटरसाइकलको नेपालका लागि आधिकारिक बिक्रेता अल्फा अटोमोटिभ प्रालिले कम्पनीको मापदण्ड अनुसार काठमाडौंको नारायणचौर नक्साल र कोटेश्वर बालकुमारी पुलनजिकै अत्याधुनिक दुईवटा शोरुमको उद्घाटन गरी सञ्चालनमा ल्याएको छ।
त्रिवेणी ग्रुपका अध्यक्ष पुरुषोत्तम लाल संघाईले आज विशेष कार्यक्रमकाबिच शोरुमको उद्घाटन गरेका हुन्। रोयल इनफिल्ड मोटरसाइकल शोरुम ‘वाइकर्स होम’को अवधारणामा निर्माण गरिएको छ। शोरुमबाट बाइक,राइडिंग गियर, जेनविन मोटरसाइकल एसेसरिज, स्पेयर पार्ट्स बिक्री तथा बिक्री पछाडिका सेवाको व्यवस्था गरिएको छ।
रोयल इनफिल्ड विश्वको एक मात्र सबभन्दा पुरानो मोटरसाइकल कम्पनी हो जसले सन् १९०१ देखि निरन्तर मोटरसाइकल उत्पादन, वितरण र ग्राहकलाई सन्तुष्टि प्रदान गरिरहेको छ।
अल्फा अटोमोटिभले आफ्नो एवं डिलर समेत गरि कम्पनी मापदण्डका हाल ६ वटा (नक्साल, कोटेश्वर, पोखरा, बुटवल, धरान र इटहरी) शोरुम संचालन गरिरहेको छ भने चैत्र महिना भित्र थप ४ वटा (बिर्तामोड, टाडी, सुर्खेत र भक्तपुर) सञ्चालनमा आउनेछन् र असार महिना भित्र थप ८ वटा (विराटनगर, राजविराज, जनकपुर, हेटौडा, नारायणगढ, दाङ, नेपालगन्ज र त्रिपुरेश्वर) सञ्चालनमा ल्याएर कुल १८ वटा शोरुमबाट बाइक बिक्री, गियर एवं जेनविन एसेसरिज, स्पेयर पार्ट्स र सर्भिसिङ लगायतका सेवा प्रदान गर्नेछ।
अल्फा अटोमोटिभ त्रिवेणी ग्रुपको अटोमोटिभ डिभिजन अन्तर्गतको कम्पनी हो। त्रिवेणी ग्रुपले उत्पादनमूलक उद्योग व्यवसाय, बैङ्किङ, बिमा, एवं सर्भिस सेक्टरमा कार्य गरिरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772597059.png)
-1764146706.png)
