उत्तर कोरियाद्वारा अमेरिकासम्म प्रहार गर्न सक्ने मिसाइल प्रक्षेपण

विश्व

नेपाल लाइभ बिहीबार, चैत २, २०७९ १२:३२

काठमाडौं– उत्तर कोरियाले दक्षिण कोरिया र जापानका शीर्ष नेताहरूको ऐतिहासिक शिखर सम्मेलनको केही घण्टाअघि एक इन्टर कन्टिनेन्टल ब्यालेस्टिक मिसाइल प्रक्षेपण गरेको छ।

जापान र दक्षिण कोरिया दुवै देशका अधिकारीहरूले मिसाइल प्रक्षेपणको पुष्टि गरेका छन्। बिहीबार बिहान लञ्च गरिएको मिसाइल लगभग एक हजार किमि पर जापानको पश्चिमी समुन्द्रमा खसेको थियो। दक्षिण कोरियाको संयुक्त चिफ अफ स्टाफका अनुसार उत्तर कोरियाको पूर्वी तटबाट यो मिसाइल स्थानीय समय अनुसार ७ बजेर १० मिनेटमा प्रक्षेपण गरिएको थियो।

जापानको रक्षा मन्त्रालयले यो मिसाइल आईसीबीएन भएको स्वीकार गरेको छ। मिसाइल लगभग ७० मिनेटको अवधिमा ६ हजार किमिभन्दा धेरैको दूरीमा पुगेको बताइएको छ।

यो मिसाइलको मार अमेरिकासम्मको छ। पछिल्लो एक हप्ताको अवधिमा उत्तर कोरियाको यो चौथो मिसाइल प्रक्षेपण हो। यीमध्ये बाँकी मिसाइल कम दूरीका थिए। उत्तर कोरियाले यो कदम कोरियाली प्रायद्विपको छेउमा अमेरिका र दक्षिण कोरियाकाबीच चलिरहेको नौसैनिक अभ्यासको विचमा उठाएको हो।

दक्षिण कोरियाका राष्ट्रपति यून सुक–योलले यो मिसाइल लञ्चपछि अमेरिका र आफ्नो संयुक्त सैन्य अभ्याास जारी रहने बताएका छन्।

उत्तर कोरियाको मिसाइल प्रक्षेपणपछि दक्षिण कोरिया र जापानले आफ्नो सुरक्षा परिषद्को बैठक बोलाउने घोषणा गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

शिक्षकहरूमाथि राज्यले गरेको बर्बरता काँग्रेसले सहन सक्दैन – शेखर कोइराला

विद्यालय सञ्चालन गर्न ललितपुर महानगरको पत्राचार

शिक्षकहरू आन्दोलनबाट भाग्दैनन्ः अध्यक्ष सुवेदी