श्री एयरलाइन्समाथिको प्रतिबन्ध हट्यो, शनिबारदेखि नियमित उडान

पर्यटन-उड्डयन

नेपाल लाइभ शनिबार, फागुन २७, २०७९ ०८:४६

काठमाडौं- नेपाल नागरिक उड्डयन प्राधिकरणले श्री एयरलाइन्सका सबै जहाजमाथि लगाएको प्रतिबन्ध हटाएको छ। प्राधिकरणले श्री एयरलाइन्सका जहाजमाथि लगाएको उडान-अवतरणको प्रतिबन्ध फुकुवा गरेपछि आज शनिबारदेखि नियमित उडान सुरु भएको छ।

प्राधिकरणका प्राविधिकहरूले श्रीका जहाजको प्राविधिक परीक्षण गरेपछि उडानका लागि अनुमति दिइएको हो। बिहीबार काठमाडौंबाट भैरहवाका लागि उडेको जहाजको दायाँ इन्जिनमा आगो लागेको संकेत देखिएपछि जहाजलाई धादिङको आकाशबाट फर्काएर काठमाडौंमा आकस्मिक अवतरण गरिएको थियो।

घटनापछि प्राधिकरणले शुक्रबारदेखि श्रीलाई कुनै पनि सेक्टरमा उडान गर्न नपाउने निर्णय गरेको थियो। श्री एयरलाइन्सले प्राधिकरणका विज्ञ टोलीद्वारा आफ्ना सबै जहाज जाँच तथा अध्ययन गरी पुन: सेवा सञ्चालन गर्न शुक्रबार नै अनुमति दिएको जनाएको छ।

श्री एयरलाइन्सका कर्पोरेट प्रबन्धक अनिल मानन्धरले विज्ञप्ति जारी गर्दै आफूहरुमाथि लागेको प्रतिबन्ध फुकुवा भएको जानकारी दिएका छन्। उनका अनुसार श्री एयरलाइन्सका जहाजले शनिबारदेखि नियमित गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

शुक्रबारदेखि पुनःबदली र वर्षा हुने

पाकिस्तानः जारी सडक अवरोध र चिकित्सा सङ्कटबीच पाराचिनारमा १०० भन्दा बढी बालबालिकाको मृत्यु

आवश्यकताका आधारमा संविधान संशोधन गर्न सकिन्छ : अध्यक्ष दाहाल