काठमाडौं– अमेरिकी रोजगारीमा योगदान गर्ने एक कम्पनी (एडीपी) ले बुधबार अमेरिकी रोजगारदाताहरूले फेब्रुअरीमा आफ्नो रोजगारीको गति बढाएको जनाएको छ।
विश्वको सबैभन्दा ठूलो अर्थतन्त्रलाई शान्त पार्ने थप प्रयासको आवश्यकता पर्नसक्ने थप संकेत दिँदै एडीपीले उक्त कदम चालेको बताएको छ।
निजी क्षेत्रको रोजगारी फेब्रुअरीमा दुई लाख ४२ हजारले बढेको छ, जुन जनवरीमा संशोधित एक लाख १९ हजारको तुलनामा झन्डै दोब्बर हो र विश्लेषकहरूले अपेक्षा गरेभन्दा निकै बढी हो।
फेडरल रिजर्भको मूल्य वृद्धिलाई नियन्त्रण गर्ने प्रयासको बाबजुद यो हालैका सूचकहरूको एक शृङ्खलाले रोजगारी वृद्धि बलियो, उपभोक्ता खर्च लचिलो र मुद्रास्फीति स्थिर रहेको जनाएको छ।
एडीपीका प्रमुख अर्थशास्त्री नेला रिचर्डसनले भने, ‘हामीले रोजगारी दरमा वृद्धि देखिरहेका छौं। यो अर्थ व्यवस्था र कामदारहरूका लागि राम्रो छ। तर तलब वृद्धि अझै पनि धेरै उच्च छ।’
तलब वृद्धिमा सामान्य मन्दीले निकट भविष्यमा मुद्रास्फीतिलाई द्रुत गतिमा घटाउने सम्भावना नरहेको उनको भनाइ छ। फेब्रुअरीमा, एक वर्ष पहिलेको तुलनामा तलब वृद्धि ७.२ प्रतिशतमा खुम्चिएको छ र रोजगारी परिवर्तन गर्ने कामदारहरूको ज्याला वृद्धि पनि १४.३ प्रतिशतमा झरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787798469.jpg)
-1786602170.png)
-1786513116.png)
-1788425345.png)
