जित्नै पर्ने दबाबका बीच आज पीएनजीको सामना गर्दै नेपाल

क्रिकेट

नेपाल लाइभ शुक्रबार, फागुन १९, २०७९ ०८:२९

काठमाडौं– आईसीसी पुरुष क्रिकेट विश्वकप लिग–२ मा नेपालले आज (शुक्रबार) पुपुवा न्युगिनी (पीएनजी)सँग खेल्दै छ। खेल दुबई अन्तर्राष्ट्रिय क्रिकेट रंगशालामा नेपाली समयानुसार ११:४५ बजे सुरु हुनेछ।

विश्वकप छनोटमा स्थान बनाउन र एकदिवसीय मान्यता कायम राख्न जित्नै पर्ने दबाबका साथ नेपाल मैदानमा उत्रिनेछ। लिग २ का पछिल्लो शृङ्खलाअन्तर्गका खेलमा अपराजित रहँदै आएको नेपाल बिहीबारको खेलमा भने संयुक्त अरब ईमिरेट्स (यूएई)सँग पराजित भयो।

लगातार ५ खेलको विजयी यात्रामा ब्रेक लागेपछि नेपाल पीएनजीविरुद्ध जित निकाल्दै पुनरागमनको लक्ष्यमा छ।

यूएई सिरिजअन्तर्गतको पहिलो खेलमा नेपालले पीएनजीलाई ४ विकेटले पराजित गरेको थियो। पहिलो खेलमा नेपालसँग हारेको पीएनजीले भने दोस्रो खेलमा यूएईलाई पराजित गरेको थियो।

लिग २ को शीर्ष ३ मा परेर विश्वकपमा स्थान बनाउनका लागि नेपालले बाँकी ६ खेल जित्नैपर्ने छ। आज पीएनजीसँगको खेलमा हार बेहोरेको अवस्थामा नेपाल शीर्ष ३ मा पर्ने सम्भावना सकिने छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्थ मन्त्रालयका सहसचिवहरुको जिम्मेवारी हेरफेर

ट्रम्प प्रशासनद्वारा युएसएआईडीका प्रमुख निरीक्षक बर्खास्त

पहिले पनि त्यस्तो घटना घटिसकेको अनुभूति अर्थात् डेजा भु: भूत, वर्तमान, कि भ्रम?