क्यालिफोर्निया– गैरआवासीय नेपाली संघ, राष्ट्रिय समन्वय परिषद् अमेरिकाको आयोजनामा क्यालिफोर्नियाको बर्क्ली शहरमा तेस्रो युवा सम्मेलन भएको छ।
गत शनिबार नेप्लिज स्टुडेन्ट एशोसिएसन युसी बर्क्लीसँगको सहकार्यमा युनिभर्सिटी अफ बर्क्लीको सभाहलमा आयोजित सम्मेलनमा विज्ञहरूको सहभागितामा विभिन्न विषयमा छलफल गरिएको थियो।
सम्मेलनमा ‘नेपाली युवाको सहभागिता र अवसर निर्माण’ विषयक छलफलमा मिलन जंग कटवालले सहजीकरण गरेका थिए भने शिव राजभण्डारी र गायिका प्रजिता बास्तोलाले आफ्नो धारणा राखेका थिए।
यस्तै, लगानी र उद्यमशिलता विषयक अन्तरक्रियात्मक छलफलमा ट्रु रुट फाइनन्सियलकी सीईओ रोशनी पाण्डे, ककाकीका फाउन्डर तथा इन्टेल कम्पनीका सिनियर प्रोडक्ट म्यानेजर प्रदीप खनाल, जेवेक प्रोटोकलका क्रिएटर तथा एन्जेल इन्भेष्टर साम थपलिया, इन्सिेन्ट रेन स्टुडियोजका सीईओ किरण भक्त जोशीले आ–आफ्ना धारणा राखेका थिए। छलफलको सहजीकरण एटर्नी निरञ्जन अधिकारीले गरेका थिए।
यसैगरी ‘नेपालमा ईगभर्नेन्स: अवसर र चुनौती’ विषयक छलफललाई सिनियर सिष्टम एनालिष्ट सुजन पराजुलीले सहजीकरण गरेका थिए भने ‘नेपाली डायस्पोराले नेपाललाई ग्लोबली चिनाउन कसरी सहयोग गर्न सक्दछ’ भन्ने विषयमा इन्सेसेन्ट रेन स्टुडियोजका सीईओ किरण भक्त जोशीले प्रकाश पारेका थिए।
यस्तै, क्रिदिश उप्रेतीले सहजीकरण गरेको ‘नेपालमा गाँजाको भविष्य’ विषयक छलफलमा नेपाल सरकारका पूर्वसचिव भीम उपाध्याय, डा कमल ढकाल र डा निरन्जन अर्यालले आ–आफ्नो धारणा राखेका थिए।
यस्तै, ‘महिलाको नेतृत्व’ विषयक छलफलमा ग्लोबल नेपाली प्रोफेसनलस नेटवकर्की अध्यक्ष विद्या सुवेदी, क्लिनिकल डेभलपमेन्ट इन्जिनियरिङ टिम इन्ट्युटिभ सर्जिकल आईएनसीकी म्यानेजर सामना घिमिरे, इ-कर्मश फेशन उद्यमी सुमन भण्डारी, केसियर परमानेन्तेकी सिनियर म्यानेजर प्रज्ञा वाग्ले लगायतले धारणा राखेका थिए। उक्त सत्रको सहजीकरण सपना शर्मा र अनुपमा पुरीले गरेका थिए।
संघका अध्यक्ष बुद्धिसागर सुवेदीको अध्यक्षतामा भएको कार्यक्रममा अमेरिकाको उत्कृष्ट व्यापारिक कम्पनी मध्येको एक युआईसी अलास्काका चिफ अपरेटिङ अफिसर जीवन पोखरेल, भर्चुअल माध्यममार्फत् नेपाली कांग्रेसका महामन्त्री तथा सांसद गगनकुमार थापा, गैरआवासीय नेपाली संघ अन्तर्राष्ट्रिय समन्वय परिषद्का महासचिव डा केशव पौडेल, युनिभर्सिटी अफ सानफ्रान्सिस्को शिक्षा संकायकी डिन डा सभनम कोइराला आजाद, एनआरएनए अन्तर्राष्ट्रिय युवा संयोजक अब्दुल बसिद, एनआरएनए अमेरिकाका उपाध्यक्ष तथा युवा तथा खेलकुद विभाग प्रमुख सुमन थापा, एनआरएनए अमेरिका युवा संयोजक तथा कन्भेनर त्रिभुवन पाण्डे, एनआरएनए अमेरिकाका पश्चिम क्षेत्र संयोजक श्रीराम थापा लगायतले धारणा राखेका थिए।
सो अवसरमा एनआरएनए अमेरिकालाई सिनेटर डेभ कोरटेसीको तर्फबाट सर्टिफिकेट अफ रिकगनिसन प्रदान गरिएको थियो। युथ इम्प्याक्ट समिटमा अमेरिका विभिन्न राज्य तथा शहरबाट विषय विज्ञहरूसहित ५ सय बढीको सहभागिता रहेको एनआरएनए अमेरिका युवा कमिटीका प्रमुख सन्देश उप्रेतीले जानकारी दिए।
संघका सचिव अनुप खनालले एनआरएनए अमेरिकाको आयोजनामा भएको यो युवा सम्मेलन तेस्रो भएको तथा अन्तर्राष्ट्रिय महिला दिवसको अवसरमा ४ मार्चमा न्यू ह्याम्सपायरमा विशेष कार्यक्रमको आयोजना गरिएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
