पीएनजीले नेपाललाई दियो २०४ रनको मध्यम लक्ष्य

क्रिकेट

नेपाल लाइभ सोमबार, फागुन १५, २०७९ १५:३१

काठमाडौं- आईसीसी विश्वकप लिग–२ त्रिकोणात्मक ओडीआई सिरिज अन्तर्गत पपुवा न्युगिनिया (पीएनजी)विरुद्धको खेलमा नेपालले २०४ रनको मध्यम लक्ष्य पाएको छ। ५० ओभरमा ९ विकेट गुमाउँदै उक्त योगफल तयार गरेको हो।

टस जितेर पहिला फिल्डिङ गरिरहेको नेपालका लागि गुल्सन झाले उत्कृष्ट प्रदर्शन गरे। ९ ओभर बलिङ गरेका उनले २८ रन दिएर तीन विकेट लिए।

यसैगरी, कुशल मल्लले २ र सोमपाल कामी, करण केसी र प्रतिश जिसीले समान एक-एक विकेट लिए। अलराउन्डर दीपेन्द्र सिंह ऐरीले कसिलो बलिङ गरे। ९ ओभर बलिङ गरेका उनले एक मेडनसहित जम्मा २२ रन खर्चिए।

पीएनजीका लाथ चाँद सोपर र असद भालाले समान ३६ रन बनाए। यसैगरी सेसे बाउ ३१, किपलिन दोरिगा २९, नोर्मन भानु २५ र हिरि हिरिले १० रनको योगदान दिए। अन्य ब्याटरले भने राम्रो प्रदर्शन गर्न सकेनन्।

८ खेलको यो सिरिजमा नेपालले ७ वटा जितेमा उत्कृष्ट तीनमा पर्दै विश्वकप छनोट खेल्नेछ भने एकदिवसीय मान्यता कायम राख्न कम्तिमा पाँच खेल जित्नुपर्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्थ मन्त्रालयका सहसचिवहरुको जिम्मेवारी हेरफेर

ट्रम्प प्रशासनद्वारा युएसएआईडीका प्रमुख निरीक्षक बर्खास्त

पहिले पनि त्यस्तो घटना घटिसकेको अनुभूति अर्थात् डेजा भु: भूत, वर्तमान, कि भ्रम?