काठमाडौं– नाबालिका बलात्कार गरेको अभियोगमा थुनामा रहेका कलाकार पूर्णविक्रम शाह (पल शाह)ले सफाइ पाएका छन्।
उच्च अदालत पोखराले प्रमाणका रुपमा पेस गरिएको अडियोकै विश्वसनियता नभएको र अन्य प्रमाणमासमेत बलात्कार पुष्टि गर्ने आधार नभएको भन्दै पललाई सफाइ दिएको हो।
उच्च अदालत पोखराका न्यायाधीशहरु डिल्लीराज आचार्य र श्रीधरा कुमारी पुडासैनीको इजलासले सफाइ दिएको हो। सफाइको पत्र सोमबार तनहुँ कारागारमा पुगेपछि रिहाइ हुने उच्च अदालत पोखराका वैतनिक वकिल विष्णुप्रसाद लम्सालले बताएका छन्।
साथै उनले सबै मुद्दाबाट क्लिन चिट पाएका छन्। नेपाललाइभसँग उनले भने, ‘पलले सबै मुद्दाबाट क्लिन चिट पाएका छन्। यसको जानकारी सोमबार तनहुँ कारागारमा पुगेपछि उनी रिहा हुन्छन्।’
यसअघि तनुहँ र नवलपुर अदालतले शाहलाई बलात्कार मुद्दामा सफाइ दिएका थिए। तर तनहु अदालतले भने बाल यौन दुर्व्यवहारमा भने दोषी ठहर गर्दै साढे २ वर्ष कैदको सजाय सुनाएको थियो।
यस्तो छ पलको मुद्दाको फैसलाको संक्षित पाठ
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
