पल शाह प्रकरण : दुवै पक्षलाई १५ दिनभित्र उपस्थित गराउन उच्च अदालत पोखराको आदेश

सुरक्षा/अपराध

नेपाल लाइभ सोमबार, माघ २३, २०७९ १६:४५

काठमाडौं– बाल यौन दुरुपयोगमा कैद जीवन बिताइरहेका पल शाह (पूर्णविक्रम शाह) लाई १५ दिनभित्र उपस्थित गराउन उच्च अदालत पोखराले आदेश दिएको छ।

जिल्ला अदालत पूर्वी नवलपरासीले बाल यौन दुरुपयोगमा दोषी ठहर गरेपछि उक्त फैसलाविरुद्ध शाह उच्च अदालत पोखरा पुगेका थिए।

शाहको रिटको सुनवाइ गर्दै सोमबार उच्च अदालत पोखराले शाह र पीडित भनिएकी बालिका दुवैलाई १५ दिनभित्र अदालत उपस्थित गराउन आदेश दिएको हो।

न्यायाधीश डिल्लीराज आचार्य र ऋषि राजभण्डारीको संयुक्त इजलासले यस्तो आदेश दिएको हो। बलात्कार मुद्दामा शाहलाई सफाइ दिँदै पूर्वी नवलपरासी अदालतले बाल यौन दुरुपयोगमा भने दोषी ठहर गरेको थियो। उक्त मुद्दामा दोषी ठहर शाहलाई साढे २ वर्ष कैद र १० लाख क्षतिपूर्तिवापत तिराउने फैसला गरेको थियो।

उक्त फैसलाविरुद्ध शाह उच्च अदालत पुगेका थिए। शाहविरुद्ध जिल्ला अदालत तनहुँमा परेको बलात्कारको मुद्दामा भने उनले सफाइ पाएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

बच्चाहरूमा कलेजो रोगका प्रारम्भिक संकेतहरू

चिया खाएर पैसा तिर्ने विवादमा आफ्नै साथीको खुकुरी हानी हत्या

एकीकृत समाजवादी ३२ लाख रुपैयाँ घाटामा,के के छन् मुख्य आम्दानीको स्रोत ?