काठमाडौं- रवि लामिछानेका विषयमा अदालतले गरेको फैसलामा एमाले अध्यक्ष केपी शर्मा ओलीले प्रश्न गरेका छन्। उनले कसैलाई हानि गर्ने काम नगरेको बताउँदै प्रक्रियागत त्रुटि भएको बताए। त्यसैले कसैलाई हानि नगरेको उनको दाबी थियो।
ओलीले बचाउ गर्दै भने, 'मेरो मनमा प्रश्न छन्, उजुरकर्तालाई के मर्का परेछ? के कारणले उजुर गरे, मैले थाहा पाइनँ। असम्बन्धित व्यक्तिले निवेदन गरेको देखिन्छ। अदालतको काम त न्याय दिने हो। यो फैसलाबाट कसले न्याय पायो? कसले मर्काबाट उन्मुक्ति पायो?'
आफूहरु अदालतलाई सम्मान गर्ने बताउँदै उनले निर्णयलाई मान्ने र कार्यान्वयन गर्ने बताए। उनले थपे, 'उजुरकर्तालाई के मर्का परेछ। के कारणले उजुर गरे मैले थाहा पाइनँ। असम्बन्धित व्यक्तिले निवेदन गरेको देखिन्छ।'
रविमाथि प्रहार भएको संकेत गर्दै उनले एउटा नागरिक प्रहारको विषय हुन नसक्ने बताँए। 'संविधान र कानुनको उलंघन गर्यो र क्षति पुग्न गयो भने नागरिकलाई रोक्नुपर्छ। कसैको हक उल्लंघन गर्न पाइँदैन। अपराध गर्न पाइँदैन। अदालतको फैसलालले तात्विक अर्थ राख्ने भन्दैन। प्रक्रियागत त्रुटि हो,' उनको भनाइ थियो।
फैसला बुझेर बुझिनसक्नु खालको रहेको उनले बताए। उनले कानुनी सिद्धान्तमाथि प्रश्न गरे। 'हामीले स्पष्ट हुनेगरी कानुन बनाउनुपर्छ कि? सर्वोच्च अदालतले त्यसका बाइप्रोडक्टलाई समेत ख्याल गरेर निर्णय गर्नुपर्छ। त्यतातिर ध्यान दिनुपर्छ कि भन्ने मेरो आग्रह हो,' उनले भने।
रेशम चौधरीतर्फ संकेत गर्दै राजनीतिक मुद्दा फिर्ता लिने काम अविलम्ब गर्नुपर्ने उल्लेख गरे। विगतमा पनि यस्ता मुद्दा फिर्ता लिने गरिएको बताउँदै सरकारको त्यसतर्फ ध्यानाकर्षण गराए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751879619.webp)
-1749826086.png)
