काठमाडौं– प्रधानमन्त्री पुष्पकमल दाहाल प्रचण्ड र जनमत पार्टीका अध्यक्ष सीके राउतबीच भेटवार्ता भएको छ।
प्रधानमन्त्री निवास बालुवाटार आइतबार बिहान भएको भेटमा राउतले प्रधानमन्त्रीलाई आफनो पार्टीको भागमा परेको मन्त्रालयप्रति असन्तुष्टिसहित समसमयिक राजनीतिका बारेमा छलफल भएको राउतको सचिवालयले जनाएको छ ।
प्रचण्ड नेतृत्वको सरकारमा सहभागी जनमत पार्टीले अहिले एउटैमात्र (खानेपानी) मन्त्रालय सम्हाल्दै आएका छन्। जनमत पार्टीले सुरुदेखि उद्योग तथा आपूर्ति अथवा कृषि मन्त्रालय पाउनुपर्ने माग गर्दै आएकाे छ।
मन्त्रिपरिषद् विस्तार हुँदा आफनो मन्त्रीको भागमा खानेपानी मन्त्रालय छुट्याएपछि जनमत पार्टीका मन्त्री अब्दुल खानले लामो समयसम्म मन्त्रालयको जिम्मेवारी नै सम्हालेका थिएनन्। पछि प्रधानमन्त्रीले केही समयपछि मिलाउने आश्वासन दिएपछि उनले खानेपानी मन्त्रालयको जिम्मेवारी लिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772772601.png)
-1772772243.png)
-1764146706.png)
