एक समय सलमानलाई घमण्डी ठान्थे आमिर खान

सिनेमा

नेपाल लाइभ बुधबार, माघ १८, २०७९ १७:२०

काठमाडौं– सलमान खानको स्टाडरडम बलिउड फिल्म उद्योगमा ३ दशकदेखि निरन्तर छ। ९० को दशकमा जब उनका फिल्महरू लगातार सुपरहिट हुन थाले, त्यसले धेरै स्टारहरूको कामलाई प्रभावित बनायो।

स्टार सलमानलाई कुनै समय अर्का स्टार अभिनेता आमिर खानले घमण्डी ठान्थे।

सलमान र आमिरको फिल्म ‘अन्दाज अपना अपना’ रिलिज भएको धेरै वर्ष बितिसकेको छ। तर अहिलेसम्म कतै न कतै यो फिल्मसँग सम्बन्धित कथा सुन्न पाइन्छ। यो फिल्मका धेरै कथा चर्चित छन्।

फिल्मको स्टारकास्टमा आमिर खान, सलमान खान, रविना टण्डन र करिश्मा कपूर मुख्य भूमिकामा थिए। यो फिल्मलाई निकै रुचाइएको थियो।

सन् २०१३ मा करण जोहरको च्याट शोमा आमिर खान आफैंले यस फिल्मका केही रोचक कथाहरू सुनाएका थिए। कुराकानीका क्रममा आमिरले ‘अन्दाज अपना अपना’ को सुटिङका क्रममा सलमान खानसँग काम गर्दाको अनुभव खासै राम्रो नभएको बताएका थिए। त्यतिबेला उनलाई सलमान मन पर्दैनथ्यो। आमिरले सलमानलाई अशिष्ट र अहंकारी ठाने। आमिरले भविष्यमा सलमानसँग कहिल्यै काम नगर्ने सोचेका थिए।

यस घटना सम्झँदै आमिरले भने, ‘अन्दाज अपना अपना’ फिल्ममा काम गरेपछि हामी सन् २००२ मा फेरि भेट्यौं। जब मैले पहिलो श्रीमती रीना दत्तसँग सम्बन्धविच्छेद गरेर अलग्गिएको थिएँ। त्यतिबेला म पनि निकै तनाबमा थिएँ। यही समस्याका कारण मलाई पनि रक्सीको लत लाग्न थाल्यो।‘

‘त्यो बेला एक साँझ सलमान मलाई भेट्न आए र धेरै बेर हामी सँगै बस्यौँ। सलमानसँग समय बिताएपछि मलाई थाहा भयो कि उनी कति फरक छन्। त्यति मात्र होइन, उनीप्रतिको मेरो सोचाइ पनि त्यस दिनदेखि पूरै परिवर्तन भयो। त्यसपछि हामी वास्तविक अर्थमा साथी बन्यौं, जुन झन् बलियो हुँदै गयो।’

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

टर्किएबाट ६५६ अनियमित आप्रवासी तथा ५२ मानव तस्कर पक्राउ

महिला कानून व्यवसायीहरूको राष्ट्रिय सम्मेलन विराटनगरमा

परराष्ट्रमन्त्री राणाद्वारा जालपादेवी केबलकार शिलान्यास