काठमाडौं– कर्णाली प्रदेशको सभामुखका लागि दुई जनाको उम्मेदवारी परेको छ। सत्तारूढ दलका साझा उम्मेदवार नेकपा (एमाले)का प्रदेशसभा सदस्य नन्दा गुरुङको उम्मेदवारी परेको हो।।
त्यसैगरी नेपाली कांग्रेसबाट प्रदेशसभा सदस्य खड्ग पोखरेलले सभामुखमा उम्मेदवारी दर्ता गराएका छन्। एमाले कर्णाली प्रदेशसभा दलका नेता यामलाल कँडेलको प्रस्ताव तथा नेकपा (माओवादी केन्द्र) प्रदेश सभा दलका नेता एवं मुख्यमन्त्री राजकुमार शर्माको समर्थनमा गुरुङको उम्मेदवारी दर्ता भएको हो।
त्यस्तै कांग्रेसबाट निर्वाचित प्रदेशसभा सदस्यद्वय पूर्णबहादुर खत्रीको प्रस्ताव र विजया बुढाको समर्थनमा पोखरेलले आफ्नो उम्मेदवारी दर्ता गराएका हुन्। सभामुखको निर्वाचन माघ १ गते बिहान ११ः०० बजे तोकिएको प्रदेशसभा सचिव जीवराज बुढाथोकीले जानकारी दिए।
उक्त निर्वाचनमा भाग लिनका लागि एमालेका उम्मेदवार गुरुङको पक्षमा २५ जना प्रदेशसभा सदस्य छन्। माओवादीका १३, एमालेका १०, राप्रपा र समाजवादीको एक–एक मत रहेको छ। कांग्रेस उम्मेदवार पोखरेलको पक्षमा १४ मत रहेको छ भने एक स्वतन्त्र प्रदेशसभा सदस्यको मत छ। पोखरेल सुर्खेत क्षेत्र नं १ (१)बाट प्रत्यक्ष र गुरुङ समानुपातिक कोटाबाट प्रदेश सभा सदस्यमा निर्वाचित भएका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1772349218.png)
-1764146706.png)
-1772271039.png)
