काठमाडौं- प्रधानमन्त्री पुष्पकमल दाहाल प्रचण्डले आफूले पाएको विश्वासको मतले प्रधानमन्त्रीमा करिब–करिब राष्ट्रिय सहमति भएको अनुभूति गरेको बताएका छन्।
‘प्रधानमन्त्रीमा करिबकरिब राष्ट्रिय सहमति भएको मैले अनुभूति गरेको छु। र मेरो लागि यो थप गौरव, थप जिम्बेवारी र थप चुनौतीको विषय हो भन्ने ठानेको छु’, शनिबार ‘कम्युनिस्ट आन्दोलनका प्रेरक भूवन दाइ’ पुस्तक विमोचनका क्रममा उनले भने।
प्रधानमन्त्री प्रचण्डले विश्वासको मत लिँदा एउटा असाधारण परिघटना जस्तो पनि भएको बताए। ‘झन्डै सिंगो सदन सहमत भयो र एउटा असाधारण उचाइका साथ मलाई विश्वासको मत प्राप्त छ’, उनले भने।
पुस १० गते प्रधानमन्त्री नियुक्त भएका प्रचण्डले पुस २६ गते प्रतिनिधि सभाबाट विश्वासको मत लिएका थिए। मतदानमा सहभागी २७० मतमध्ये उनलाई २६८ सांसदले विश्वासको मत दिएका थिए।
तेस्रो ठूलो पार्टीबाट प्रधानमन्त्री नियुक्त भएका उनले पहिलो र दोस्रो ठूलो पार्टीका अतिरिक्त अन्य मुख्य पार्टीहरु र स्वतन्त्र सांसदबाट विश्वासको मत पाएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
