काठमाडौं- नेपाली कांग्रेसका महामन्त्री गगन थापाले नेपालको राजनीति तीन जना भूतपूर्वप्रधानमन्त्रीको अखडाजस्तो भएको बताएका छन्।
रामकृष्ण भण्डारीद्वारा लिखित पुस्तक ‘सत्ता संघर्ष: ३० वर्षमा २८ सरकारको नालिबेली’ विमोचन कार्यक्रममा बोल्दै उनले एकले अर्कोलाई झुक्याउने विषय चलिरहेको बताए।
‘कुनचाहिँ भूतपूर्व प्रधानमन्त्रीले कुनचाहिँ भूतपूर्वप्रधानमन्त्रीलाई झुक्याउनुभयो। आइतबार फलानोले झुक्याउनुभएको थियो, सोमबार अर्कोले ठहरै पार्नुभयो’, राजनीतिको मूल विषयप्रति कटाक्ष गर्दै थापाले भने, ‘अहिले तपाईंहरु जति भन्नुस्, तपाईंहरु सबैको मनमा के छ? कुनचाहिँ भूतपूर्वले कुनचाहिँ भूतपूर्वलाई झुक्याइरहेको होला!’
उनले प्रधानमन्त्री पुष्पकमल दाहाल प्रचण्डले विश्वासको मत लिँदा कांग्रेसले दिएको भोटप्रति संकेत गर्दै थपे- ‘अस्ति भोट किन हाल्यो होला? भित्रभित्र केही भइरहेको छ कि भन्ने कसको मनमा छैन?’
उनले मंसिर ४ गतेको निर्वाचनदेखि यता नेपाली कांग्रेसको संसदीय दलको निर्वाचनको बेलामा दुईचार दिन फरक कुरा भएको भए पनि अरु समय कुनचाहिँ भूतपूर्वप्रधानमन्त्रीले कुनचाहिँ भूतपूर्वप्रधानमन्त्रीलाई फाउल हाने भन्ने नै समाचारको प्रमुख विषय बनिरहेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
