कैलाली– सुदूरपश्चिम प्रदेशमा आज सभामुखको निर्वाचन हुँदै छ। बिहीबार दिउँसो १ बजे सभामुखको निर्वाचन हुने प्रदेश सभा सचिवालयले जनाएको छ।
निर्वाचन तालिका अनुसार हिजो मनोनयन दर्ता, दाबी विरोध र उम्मेदवारी फिर्ताको समय रहेको थियो। निर्धारित समयभित्र कांग्रेसका मानबहादुर रावल र माओवादी केन्द्रका भीम भण्डारीले सभामुखमा उम्मेदवारी दर्ता गरेका हुन्।
अन्तिम समय सम्म पनि उम्मेदवारी फिर्ता नभएपछि आज यी दुवैबीच सभामुखको लागि चुनाव हुने छ। माओवादी केन्द्रका भण्डारीलाई माओवादीसहित एमाले, नागरिक उन्मुक्ति र राप्रपाको साथ रहेको छ भने कांग्रेसका रावललाई कांग्रेससहित नेकपा एकीकृत समाजवादीको साथ छ।
यहाँ एक स्वतन्त्र उम्मेदवार छन्। उनले कता मत दिने भन्नेबारे अझै निर्णय गरिसकेका छैनन्। ५३ जना प्रदेश सभा सदस्य रहेको सुदूरपश्चिम प्रदेशमा कांग्रेसका १९, माओवादी केन्द्रका ११, एमालेका १०, नागरिक उन्मुक्ति पार्टीका ७, नेकपा एकीकृत समाजवादीका ४,राप्रपाका १ र स्वतन्त्र १ सांसद छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
