धनगढी– सुदूरपश्चिम प्रदेश सरकार गठनलगायतका विषयमा रणनीति बनाउन कांग्रेसले संसदीय दलको बैठक बोलाएको छ। कांग्रेस संसदीय दलका नेता कमलबहादुर शाहले बिहान साढे १० बजे बैठक बोलाएका हुन्।
बिहान ८ बजे बोलाइएको बैठक साढे १० बजेका लागि सारिएको हो। संसदीय दलका नेता धनगढी नपुगेकाले बैठक सारिएको हो।
प्रदेशसभा सदस्य प्रकाश बमले समसामयिक विषयमा छलफल गर्न दलको बैठक आह्वान गरे पनि दलको नेता नपुग्दा केही घण्टाका लागि बैठक सारिएको बताए।
उनका अनुसार बैठकमा प्रदेश सरकार गठन, सभामुखको मनोनयन लगायतका विषयमा छलफल हुनेछ। प्रदेश प्रमुखले मुख्यमन्त्रीमा दाबी पेस गर्न दिएको आज साँझ ५ बजे सकिँदैछ।
निर्धारित समयभित्रै मुख्यमन्त्रीमा सत्तारुढ गठबन्धनका तर्फबाट एमालेका राजेन्द्र रावलले दाबी पेस गर्ने तयारी गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
