काठमाडौं– प्रधानमन्त्री पुष्पकमल दाहाल ‘प्रचण्ड’ले आफूलाई आएको विश्वासको मतले चुनौती थपिएको बताएका छन्। उनले सबैले आफूलाई समर्थन दिने कुरा नसोचेको भन्दै मंगलबार बिहान प्रस्तुत गरेको कुरामा सबैले सहयोग गरेको बताए।
प्रधानमन्त्री प्रचण्डले अहिले पाएको जिम्मेवारी बोक्न सक्ने हो कि हैन भन्ने लागेको भन्दै बोक्न सके नयाँ इतिहास बन्ने पनि बताए। उनले यसलाई न्यायोचित रुपमा अघि बढाउन नसके निकै अप्ठ्यारो पनि हुने स्वीकार गरे।
प्रधानमन्त्री प्रचण्डले आफूले विश्वासको मत दिन गरेको अपिलमा उत्साहपूर्वक साथ पाएको भन्दै धन्यवाद पनि व्यक्त गरे। उनले सत्ता साझेदार दलहरू निश्चित नीति र कार्यक्रममा जोडिएको बताए। उनले अहिलेको निर्वाचनबाट जसरी अभिमत व्यक्त भएको छ त्यही अनुसार सरकार गठनको प्रयास गरिएको भन्दै सबै विचार, वर्ग र क्षेत्रको प्रतिनिधित्व रहेको दाबी गरे।
प्रचण्डले सत्ता गठबन्धनले बनाएको साझा न्यूनतम कार्यक्रम नै एकताको आधार भएको दाबी पनि गरे। उनले सत्ता साझेदारका दलहरुका बीचमा कयौं मतभेद भएको र सत्ता साझेदारभन्दा बाहिर रहेका दलहरुसँग पनि सहमत रहेको बताए। उनले संघीयता, शान्ति प्रक्रिया टुङ्गोमा पुग्ने र जनताको विकास गर्ने कुरामा सत्ता साझेदार दल एक भएर अघि बढेको सुनाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1775812183.jpg)
-1779545841.jpg)
