लामो समयपछि २२ सय विन्दुबाट माथि लाग्यो सेयर बजार

बैंक/बिमा/सेयर

नेपाल लाइभ सोमबार, पुस २५, २०७९ १५:५८

काठमाडौं– नेपाल राष्ट्र बैंकले चालु पुँजी कर्जा मार्गदर्शन संशोधन गरेपछि सकारात्मक बनेको सेयर बजार लामो समयपछि २२ सयको विन्दुबाट माथि पुगेको छ। साताको दोस्रो कारोबार दिन आज (सोमबार) सेयर बजार परिसूचक (नेप्से) ४७.१५ अंकले बढेर २२११.७६ विन्दुमा पुगेको छ।

सोमबार सेन्सिटिभ इन्डेक्स ८.६८ अंकले बढेर ४१९.९१ विन्दुमा पुग्यो। यस्तै, फ्लोट इन्डेक्स ३.४८ अंकले बढ्यो भने सेन्सिटिभ फ्लोट इन्डेक्स ३.०५ अंकले बढ्यो।

सोमबार २५७ कम्पनीको १ करोड ४७ लाख ७६ हजार २०६ कित्ता सेयर खरिदबिक्री हुँदा ५ अर्ब ३१ करोड ४३ लाख ७ हजार ८५३ रुपैयाँ बराबरको कारोबार भयो।

सोमबार सेयर बजारको कारोबार रकम आइतबारको भन्दा कम रह्यो। आइतबार ५ अर्ब ४५ करोड मूल्य बराबरको सेयर किनबेच भएको थियो। आइतबार नेप्से परिसूचक २०.६९ अंकले बढेको थियो।

सोमबार ८ वटा कम्पनीको सेयरमूल्य १० प्रतिशतभन्दा बढीले बढ्यो। कारोबार रकमका आधारमा रिद्धी पावर शीर्षस्थानमा रह्यो। सो कम्पनीको २० करोड ६८ लाख मूल्यको सेयर खरिदबिक्री भयो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

परराष्ट्रमन्त्री डा राणा स्वदेश फिर्ता

शेख हसिनालाई फिर्ता पठाउन भारतलाई बङ्गलादेशको आग्रह

फूलचोकी जंगलमा हराएका १३ जना भेटिए