काठमाडौं– प्राकृतिक तथा प्राविधिक खराबीका कारण केबलकार बीचमै रोकिएमा गरिने उद्धारका लागि सशस्त्र प्रहरी बलले ‘रोप रेसक्यु’सम्बन्धी अभ्यास गरेको छ।
चितवन जिल्लाको इच्छाकामना गाउँपालिका–४ मा रहेको मनकामना केबलकारमा केही दिन अघि रोप रेस्क्युसम्बन्धी अभ्यास भएको सशस्त्र प्रहरी बलले जनाएको छ।
सशस्त्र प्रहरी बल नेपाल विपत् व्यवस्थापन तालिम शिक्षालय कुरिनटार र मनकामना केबलकार प्रालिको सहकार्यमा उक्त रोप रेस्क्युसम्बन्धी अभ्यास गरिएको हो।
मनकामना केबलकारमा दर्शनार्थी चढेको समयमा कुनै कारणवस केवलकार रोकियो भने छिटो र सजिलो तरिका अपनाइ कसरी उद्धार गर्न सकिन्छ भन्ने उद्देश्यले सो अभ्यास गरिएको बताइएको छ।
1673195171.jpg)
घिर्नीको सहयोगमा डोरीको माध्यमबाट केवलकारमा अड्किएकाहरुलाई सो विधि अपनाई सजिलैसँग उद्वार गर्न सकिने तरिका सो अभ्यासमा देखाइएको थियो।
भविष्यमा आईपर्न सक्ने समस्याहरुलाई सजिलैसँग समाधान गर्न सकियोस् भन्ने उद्देश्यले गरिएको रोप रेस्क्यु अभ्यासमा सशस्त्र प्रहरी बल नेपाल विपत् व्यवस्थापन तालिम शिक्षालय कुरिनटारमा कार्यरत विपत् व्यवस्थापनसम्बन्धी दक्ष सशस्त्र प्रहरी कर्मचारीको सहभागिता रहेको थियो।
यसअघि सो शिक्षालयले आगलागी नियन्त्रण, विपत् प्रकोप, दुर्घटना, भूकम्पमा परेकाहरुको खोज तथा उद्वार, उनीहरुलाई दिइने प्राथमिक उपचार र सहयोगजस्ता विषयलाई लक्षित गरी सोसम्बन्धी अभ्याससमेत गर्दै आइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1775812183.jpg)
-1779545841.jpg)
