नेपाली राष्ट्रिय क्रिकेट टिम (फाइल तस्बिर)
काठमाडौं– नेपाल क्रिकेट एसोसिएसन (क्यान)ले राष्ट्रिय क्रिकेट टिम (पुरुष)को प्रमुख प्रशिक्षकका लागि भ्याकेन्सी खोलेको छ।
क्यानले आइतबार साँझ सामाजिक सञ्जालमार्फत् राष्ट्रिय क्रिकेट टिमको मुख्य प्रशिक्षकका लागि ‘भ्याकेन्सी डिटेल’ सार्वजनिक गरेको हो।
यसअघि मुख्य प्रशिक्षक रहेका मनोज प्रभाकरले राजीनामा दिएको करिब १ महिनापछि मुख्य प्रशिक्षकका लागि दरखास्त आह्वान गरेको हो।
यसअघि मुख्य प्रशिक्षक रहेका भारतीय पूर्व क्रिकेटर प्रभाकरले दिएको राजीनामा क्यानले गत मंसिर २९ गते स्वीकृत गरेको थियो।
पुबुदु दासानायकेले पद छोडेपछि गत साउनमा प्रभाकर मुख्य प्रशिक्षक बनेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
