काठमाडौं- प्रदेश १ को मुख्यमन्त्रीको लागि हिक्मत कार्कीले दावी पेस गरेका छन्। आइतबार एमाले संसदीय दलको नेता कार्कीले दावी पेस गरेका हुन्।
पुस १७ गते प्रदेश प्रमुख परशुराम खापुङले संविधानको धारा १६८ को उपधारा (२) बमोजिम पुस २४ गते बेलुकी ५ बजेभित्र मुख्यमन्त्रीमा दावी पेस गर्न आह्वान गरेका थिए।
सोही अनुसार कार्कीले आइतबार ५ बज्नुअघि नै एमाले, माओवादी केन्द्र, राप्रपा र जसपाको समर्थनमा दावी पेस गरेका हुन्। प्रदेश सभामा यी चार पार्टीका ६० सांसद् छन्। मुख्यमन्त्रीका लागि प्रदेश १ मा न्युनमत ४७ सिटको आवश्यकता पर्छ। प्रदेश १ सभामा ९३ सांसद छन्।
कार्की गत पुस १० गते सर्वसम्मत रुपमा एमाले संसदीय दलको नेतामा चयन भएका थिए। त्यसदिन बसेको एमालेको नवनिर्वाचित प्रदेश सभा सदस्यको भेलामा तिलकुमार मेन्याङ्बोको प्रस्ताव र रेवतीरमण भण्डारीको समर्थनमा उनी संसदीय दलको नेता चयन भएका हुन्।
कार्की प्रदेश १ को पूर्वआन्तरिक मामिला तथा कानुनमन्त्री समेत हुन्। त्यस्तै, उनी एमालेको स्थायी कमिटी सदस्य समेत हुन्। निर्वाचनमा उनी झापा- ५ (क) बाट निर्वाचित भएका हुन्।
माओवादी केन्द्रले पनि यो प्रदेशको मुख्यमन्त्रीमा दावी गरेको थियो। तर अन्तिममा एमालेले लिने सहमति भएसँगै कार्कीको लागि बाटो खुलेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1775812183.jpg)
-1779545841.jpg)
