काठमाडौं– काठमाडौं नाइट्स पहिलो संस्करणको नेपाल टी–ट्वान्टी लिगको प्ले अफमा पुगेको छ।
कीर्तिपुरस्थित त्रिवि क्रिकेट मैदानमा शनिबार भएको खलमा फार वेस्ट युनाइटेडले पोखरा एभेन्जर्सलाई ४१ रनले पराजित गरेसँगै अंक तालिकाको चौंथो स्थानमा रहँदै काठमाडौं प्ले अफमा पुगेको हो। यससँगै काठमाडौं प्ले अफमा पुग्ने चौथो टोली बनेको छ।
हारसँगै पोखरा भने प्रतियोगिताबाट बाहिरिएको छ।
फार वेस्टले दिएको १८८ रनको लक्ष्य पछ्याएको पोखराले १८.१ ओभरमा अलआउट हुँदै १४६ रनमात्र बनान सक्यो।
त्यसअघि पहिले ब्याटिङ गरेकोे फार वेस्टले २० ओभरमा ५ विकेट गुमाएर १८८ रन बनाएको थियो।
प्रतियोगिताबाट यसअघि नै बाहिरिसकेको फार वेस्ट अन्तिम खेलमा जितका साथ प्रतियोगिता समापन गरेको छ ।
लुम्बिनी अल स्टार, जनकपुर रोयल्स र विराटनगर सुपर किंग्सले भने यस अघि नै प्ले अफमा स्थान पक्का गरिसकेका छन्।
यी दुई टोलीले आइतबार हुने पहिलो क्वालिफायर खेल्नेछन्।
पहिलो संस्करणको लिगमा ६ टोलीको सहभागिता रहेको छ। यस लिगमा काठमाडौं नाइट,पोखरा एभेन्जर्स,फार वेस्ट युनाईटेड,जनकपुर रोयल्स,विराटनगर सुपर किंग्स र लुम्बिनी अल स्टार रहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
