धनगढी– दार्चुलाको खलंगा पारी महाकाली नदी किनारमा भारतले पक्की तटबन्ध बनाइरहेको छ। भारतले नदी किनारैमा अस्थायी संरचना निर्माण गरेर नदीको बहाव नेपालतर्फ फर्काउदै काम गरिरहेको छ। जसले गर्दा महाकाली नदी नेपालतिर सोझिएको छ।
यस विषयमा स्थानीय जनताले पटक–पटक प्रशासनमार्फत सरकारको ध्यानाकर्षण गराइसकेका छन्। बेला–बेला दुवै देशका स्थानीय प्रशासनले भेटघाट, छलफल तथा बैठक गर्दा पनि स्थानीय जनताको माग सम्बोधन हुन सकेको छैन।
भारतले अन्तर्राष्ट्रिय सीमा नदीको मूल्य, मान्यता तथा मापदण्डविपरीत निर्माण कार्य गरिरहेकोप्रति यहाँका स्थानीयहरुले विरोध गर्दै आइरहेका छन्। गत मंसिर २१ गते नेपाल र भारतीय प्रशासनबीच नदी किनारमा खडा गरिएको अस्थायी तटबन्ध १० दिनभित्र हटाउने सहमति बनेको थियो। त्यसको एक महिना बित्दासमेत भारतले उक्त अस्थायी तटबन्ध हटाएको छैन।
अहिले नेपालतर्फ पनि भारतले तिंकर सडकले मेसिनरी पर्खाल लगाइरहेको छ। साथै, सो क्षेत्रमा नेपालतर्फ पनि तटबन्ध निर्माणको कार्य थालिने जनाइएको छ। दार्चुला प्रशासनले भारतको माग बमोजिम बंगाबगर क्षेत्रको ढुंगामाटो हटाउने तयारी थालेको भन्दै स्थानीयहरुले विरोध जनाएका छन्।
भारतले उक्त तारजालीसहितको ढुङ्गा र माटो थुपारिएको संरचना नहटाउँदा बांगाबगरका स्थानीयले बिहीबार पुनः जिल्ला प्रशासन दार्चुलामार्फत नेपाल सरकारलाई ज्ञापन बुझाएका छन्। बांगाबगरका ३३ स्थानीयले हस्ताक्षरसहित प्रमुख जिल्ला अधिकारी दीर्घराज उपाध्यायमार्फत सरकारलाई ज्ञापनपत्र बुझाएका हुन्।
उनीहरुले पूर्वसर्त बमोजिम छाङ्गरु स्कुल क्षेत्रदेखि पुलघाटसम्मको क्षेत्रमा भारतीय पक्षले नदीमा थुपारीराखेको ढुंगामाटो पूर्णरुपमा हटाउनुपर्ने माग गरेका छन्। त्यो नहुँदासम्म छाङ्गरु विद्यालय क्षेत्रदेखि माथि दशरथनगरसम्म नेपालतर्फको ढुंगामाटो हटाउने कार्य गर्न नदिने बताएका छन्।
यस्तै, छाङ्गरु स्कुलदेखि पुलघाटसम्मको नेपालतर्फको तटबन्ध कमजोर रहेको भन्दै सो तटबन्ध मर्मत सम्भारको माग स्थानीयले अघि सारेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778914053.png)
-1764146706.png)
-1775812183.jpg)
-1779545841.jpg)
