काठमाडौं– नेपाली कांग्रेसका सभापति तथा पूर्व प्रधानमन्त्री शेरबहादुर देउवाले जनता समाजवादी पार्टीका अध्यक्ष उपेन्द्र यादवलाई भेटेका छन्।
धुमबाराहीस्थित देउवाको डेरामा पुगेर यादवले छलफल गरेका हुन्। यादव बुधबार साँझ बसेको सत्तारुढ दलहरुको बैठकमा सहभागी भएका थिए। मंगलबार सकिएको जसपाको राजनीतिक समितिको बैठकले भागबण्डा नमिले वर्तमान प्रचण्ड नेतृत्वको सरकारमा सहभागी नहुने निर्णय गरेको थियो।
मंगलबार साँझै एमाले अध्यक्ष केपी ओलीसँग पनि यादवले भेटेका थिए। बिहीबार बिहान देउवासँगको भेटमा यादवले कुन विषयमा छलफल गरे भन्ने कुरा खुलाइएको छैन।
दुई नेताबीच प्रधानमन्त्री प्रचण्डले लिन लागेको विश्वासको मत र मधेश सरकार निर्माणका विषयमा छलफल भएको बताइएको छ। जसपाले मधेश प्रदेशमा आफ्नो पार्टीको तेतृत्वमा सरकार बन्नुपर्ने र केन्द्रमा उपराष्ट्रपतिसहित तीन मन्त्रालय दिन सत्तारुढ दलहरुसँग माग गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787239320.jpg)
-1787821305.jpg)
-1786602170.png)
-1787821306.jpg)
-1786513116.png)
