काठमाडौं– सत्ता गठबन्धनको बैठकले मन्त्रिपरिषद् विस्तार न्यूनतम साझा कार्यक्रम र विश्वासको मत लिएपछि मात्रै गर्ने निर्णय गरेको छ।
बुधबार बालुवाटारमा बसेको सत्ता गठबन्धनको बैठकपछि सञ्चारकर्मीसँग कुरा गर्दै उपप्रधान तथा गृहमन्त्री रवि लामिछानेले सरकार विस्तार अहिले नहुने स्पष्ट पारे।
उनले साझा न्यूनतम कार्यक्रमको मस्यौदा तयार भइरहेको र आम नागरिकलाई छुने र भ्रष्टाचार नियन्त्रणलाई प्राथमिकता दिने बताए।
लामिछानेले केही नीतिगत सुधार गर्ने कुरामा छलफल भएको बताए। मन्त्रालय फुटाउने वा बढाउने कुनै छलफल नभएको गृहमन्त्रीको दाबी छ।
‘मन्त्रालय विभाजनबारे केही र कहीँ पनि छलफल भएको छैन। यो कहाँबाट आयो थाहा छैन’, उनले भने, ‘त्यसतर्फ जाने कुनै सोच छैन।’
उनले बिहीबारसम्म सरकारको साझा कार्यक्रम टुङ्गो लगाउने बताए। बैठकमा प्रधानमन्त्री पुष्पकमल दाहाल ‘प्रचण्ड’ले माधवकुमार नेपालसँगको भेट र विश्वासको मत मागेको कुरा पनि सेयर गरेको उनले बताए।
गृहमन्त्री लामिछानेले प्रदेशको सरकार गठनदेखि केन्द्रको मन्त्रालय विस्तारसम्म र अन्य कुरा प्याकेजमै सहमति गर्ने प्रयास भइरहेको जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787905632.jpeg)
-1786602170.png)
-1787821306.jpg)
-1786513116.png)
