काठमाडौं– गत मंसिर ४ गते भएको प्रतिनिधि सभा र प्रदेश सभा निर्वाचनका लागि नेपाली कांग्रेसले बनाएको केन्द्रीय निर्वाचन परिचालन समितिले पार्टीको केन्द्रीय समिति बैठकमा आफनो प्रतिवेदन पेस गर्ने भएको छ।
कांग्रेस नेता गोपालान श्रेष्ठको नेतृत्वमा रहेको निर्वाचन परिचालन समितिले गठन गरेको उप–समितिहरुको बैठकले आज आफनो प्रतिवेदन पेस गरेका छन्। पार्टी कार्यालयमा बसेको बैठकमा संयोजक श्रेष्ठले अब बस्ने केन्द्रीय समिति बैठकमा ती सबै प्रतिवेदनहरु पेस गर्ने तयारी रहेको बताए।
आज बसेको निर्वाचन परिचालन समितिको बैठकमा जीपछिरिङ्ग लामा, आनन्दप्रसाद ढुंगाना, मीन विश्वकर्मा, गोविन्द भट्टराई, सरिता प्रसाई, रमा कोइराला पौडेल, चन्द्रबहादुर के सी, मञ्जु खाण, हरिशरण नेपाली, जानकी सिंह, कान्तिका सेजुवाल, पूर्व केन्द्रीय सदस्य किरण गिरी र अनुगमन तथा सुपरिवेक्षण उपसमितिका सहसंयोजक डा कृष्णप्रसाद पौडेलले आ–आफ्नो धारणा राखेका थिए।
यसैबीच २२ गतेका लागि बोलाइएको केन्द्रीय समिति बैठक सारिएको छ। संसद् बैठकलाई मध्यनजर गरी कांग्रेसले केन्द्रीय समितिको बैठक पुस २८ गतेका लागि सारेको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1775382666-1775826937.jpeg)
-1764146706.png)
