काठमाडौं– धितोपत्र बजारमा सेयर कारोबार मापक नेप्से परिसूचक झिनो अंकले ओरालो लागेको छ।
नेपाल स्टक एक्सचेञ्जका अनुसार मंगलबार उतारचढावपूर्ण अवस्थामा रहेको बजारमा नेप्से परिसूचक तीन दशमलव शून्य तीन अंकले ओरालो लागेर दुई हजार ६० दशमलव शून्य ६ मा झरेको छ।
मंगलबारको कारोबारमा ठूला कम्पनीको कारोबार मापन गर्ने सेन्सेटिभ परिसूचक शून्य दशमलव ३९ अंकले ओरालो लागेर तीन सय ९४ दशमलव ६२ मा सीमित भएको छ।
कारोबार भएका कूल १३ उपसमूहमध्ये नौ उपसमूहको सेयर मूल्य घट्दा चार उपसमूहको सेयर मूल्य भने उकालो लागेको छ। नेप्सेका अनुसार कारोबार भएकामध्ये एक सय सात कम्पनीको सेयर मूल्य बढेको छ।
यस्तै, एक सय दुई उपसमूहको सेयर मूल्य ओरालो लाग्दा तीन उपसमूहको सेयर मूल्यमा कुनै परिवर्तन भएन। कूल ८२ लाख २२ हजार आठ सय ३३ कित्ता सेयर तीन अर्ब ४५ करोड ८० लाख ८९ हजार सात सय ८७ रूपैयाँ बराबरको कारोबार भयो।
कारोबारका आधारमा हिमालयन डिस्टिलरी शीर्ष स्थानमा छ। सो कम्पनीको ४३ करोड १९ लाख ६४ हजार दुई सय ३६ बराबरको कारोबार भयो।
एनआइसी एशिया बैंक नौ करोड ६६ लाख ९५ हजार, सानिमा बैंक नौ करोड ४९ लाख १२ हजार आठ सय १४, हिमाल दोलखा हाइड्रोपावर आठ करोड १७ लाख ९४ हजार चार सय ५२ र नेपाल पुनर्बीमा कम्पनी आठ करोड तीन लाख ४२ हजार आठ सय १८ बराबरको कारोबार भई शीर्ष पाँचभित्र पर्न सफल भए।
नेप्सेका अनुसार मंगलबार विभिन्न चार कम्पनीको सेयर मूल्य १० प्रतिशतले बढेर सकारात्मक सर्किट लागेको छ। जसमा श्वेत गङ्गा हाइड्रोपावर,धौलागिरि लघुवित्त, खप्तड लघुवित्त, अजोड इन्स्योरेन्स छन्। यस्तै, नेरुडे लघुवित्तको सेयर मूल्य सात दशमलब ७३ प्रतिशतले बढेको छ।
त्यस्तै, विन नेपाल लघुवित्त पाँच दशमलव ५९, बोटलर्स नेपाल तराई लघुवित्त पाँच दशमलव ५४, दोर्दी खोला जलविद्युत् तीन दशमलव ४४, पिपल्स पावर कम्पनी तीन दशमलव ४० र हिमालयन बैंकको सेयर मूल्य तीन दशमलव ३२ प्रतिशतले घटेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764598201.png)
-1764146706.png)
-1764580720.png)
-1763721444.png)
-1763559424.jpg)
-1764080971.png)
