धनगढी– नेपाली कांग्रेस सुदूरपश्चिम संसदीय दलको बैठक निष्कर्षविहीन बनेको छ। दलको नेताका लागि प्रदेश सभामा निर्वाचित ६ जनाले दाबी गरेपछि बैठक निष्कर्षविहीन भएको हो।
कांग्रेस प्रदेश सभापति वीरबहादुर बलायर प्रदेश बाहिर भए पनि उपसभापति लोकराज अवस्थीको अध्यक्षतामा बैठक बसेको थियो।
प्रदेश सभामा सदस्य प्रकाश बमले दलको नेतामा अछामका मेघराज खड्का, कञ्चनपुरका बहादुरसिंह थापा, दिवानसिंह विष्ट, कैलालीका प्रकाश देउवा, कमल शाह र बैतडीका शिवराज भट्टले दाबी गरेका छन्।
‘दलको नेताका सामान्य छलफल भएको थियो। बैठक निष्कर्षविहीन भएको छ,’ उनले भने, ‘अहिले नेतामा दाबी गरेका प्रदेश सभा सदस्यहरु आपसी सहमति जुटाउन छलफलमा छन्।’
उनका अनुसार बुधबार साँझसम्म दलको नेताको टुङ्गो लाग्नेछ।
दलको नेता चयन गर्नका लागि अझै केही दिन लाग्ने प्रदेश महामन्त्रीसमेत रहेका प्रदेश सभा सदस्य मेघराज खडकाले बताए। उनले भने, ‘हामी सहमतिमा नेता चयन गर्नेगरी अघि बढेका छौं। सहमति नजुटे निर्वाचन हुनेछ।’
प्रदेशको संंसदीय दलको नेतामा केन्द्रबाट हष्तक्षेप हुने देखिएको छ। केन्द्रको हस्तक्षेपबाट दलको नेतामा प्रकाश देउवा चयन हुने सम्भावना रहेको प्रदेश सभा सदस्यहरुको आकलन रहेको छ। एक प्रदेश सभा सदस्यले भने ‘दलको नेतामा प्रकाश देउवाको सम्भावना बढी रहेको छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_Tr387xuecJ-1778130428.jpg)
-1778551198-1778552039.jpeg)
-1764146706.png)
-1779545841.jpg)
