काठमाडौं– अस्ट्रेलियाको ‘बिग बास’ क्रिकेट प्रतियोगिताको एउटा खेलमा भएको क्याचको विषयलाई लिएर अहिले क्रिकेट क्षेत्रमा नै विवाद सुरु भएको छ। ब्रिसबेन हिट र सिड्नी सिक्सर्सबीच भएको म्याचको १९औं ओभरको दोस्रो बलमा एउटा क्याच गरिएको थियो।
सिक्सर्स टिमका जोर्डन सिल्कले खेलेको सटमा माइकल नेसरले क्याच लिएका थिए। उक्त क्याचका क्रममा उनले बाउन्ड्री बाहिर पुगेर समेत एकपल्ट बलसँग सम्पर्क गरेका थिए।
नेसरले बाउन्ड्रीभित्र बल समाते र ब्यालेन्स बिग्रेपछि फेरि बल फ्याँके। बल बाउन्ड्रीभन्दा बाहिर गयो। करिब २-३ मिटर बाहिर गएको बल फेरि उफ्रेर समात्दै उनले पुन: आकाशतिर फ्याँके। त्यसपछि उनले बाउन्ड्रीभित्र पुगेर क्याच पूरा गरे।
अम्पायरले सिल्कलाई आउट भएको फैसला सुनाए र उनको टिमले म्याच हार्यो। यो फैसलापछि क्रिकेट एक्सपर्ट पनि कन्फ्यूज भए। कतिले बाउन्ड्री बाहिर पुगेर फेरि बलको सम्पर्क आएकाले क्याच मान्न नसकिने बताए भने कतिले मान्यता दिए।
यसका विषयमा इन्टरनेशनल क्रिकेट काउन्सिलका लागि नियम बनाउने मेरिलबोन क्रिकेट क्लबको नियम आकर्षित गरिएको छ। नियम नम्बर १९.५.२ मा यस्तो क्याचबारे लेखिएको छ। जसअनुसार क्याच लिँदा पहिलोपल्ट छुँदा र अन्तिम समय पकड्दा फिल्डर बाउन्ड्रीभित्र हुनुपर्ने भनिएको छ।
बलसँग सम्पर्कको बीचमा फिल्डर बाउन्ड्री बाहिर जान सक्ने र उफ्रेर फेरि बल हावामै फ्याँक्ने सक्ने उललेख छ।
यसमा नेसरले क्याच लिँदा यो नियमको पालना गरेको मानिएको छ। पहिलोपटक बल छुँदा उनी बाउन्ड्रीभित्र थिए र अन्तिममा पनि भित्रै थिए। तर एकपल्ट उनले बाउन्ड्रीबाहिर हावामै रहेर बल छोएर हावामै फालेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
