खुकुरी प्रहार गरी फरार भएका ४ जना पक्राउ

सुरक्षा/अपराध

नेपाल लाइभ सोमबार, पुस १८, २०७९ १२:४४

काठमाडौं– खुकरी प्रहार गरी फरार भएका चार जनालाई प्रहरीले पक्राउ गरेको छ। आइतबार दिउँसो २ बजेतिर नेपालगन्ज उपमहानगरपालिका–४ गणेशपुरस्थित यूपी ३२ इयू ८६१६ नम्बरको भारतीय कारबाट आएका चार जनाले वडा नम्बर १२ का अनुराग शाह, जानकी गाउँपालिका–३ का उज्वल शाह र नेपालगन्ज–४ का सुभम जंग शाहलाई खुकुरी प्रहार गरी फरार भएका थिए।

पक्राउ पर्नेहरुमा विनय भण्डारी, नारायण डाँगी, प्रकाश रासाइली र तासे भन्ने प्रकाश थापा रहेका छन्। खुकुरी प्रहार गरी फरार भएको भन्ने सूचनापछि तत्काल जिल्ला प्रहरी कार्यालय बाँकेबाट प्रहरी उपरीक्षक सन्तोष सिंह राठौरको नेतृत्वमा खटिएको टोलीले घाइतेहरुलाई उपचारका लागि नेपालगन्ज मेडिकल कलेजमा पुर्‍याएको थियो।

यस्तै खुकुरी प्रहार गर्नेको पिछा गर्नै जाने क्रममा भागेका उनीहरुलाई बाँकेको डुढुवा गाउँपालिका–३ स्थित बनकट्टीबाट रामपुरुवा जाने बाटो दक्षिणतर्फ खेतमा उनीहरुले प्रयोग गरेको कार फेला परेको थियो।

सोही कारमा रहेका नेपालगन्ज उपममहानगरपालिका–१८ का २९ वर्षीय विनय भण्डारी, वडा नम्बर ६ का ३१ वर्षीय प्रकाश थापा, राप्ती सोनारी गाउँपालिका–२ का ३१ वर्षीय नारायण डाँगी र वैजनाथ गाउँपालिका–५ का २९ वर्षीय प्रकाश रसाइली भन्ने तुल्सीराम सुनारलाई नियन्त्रणमा लिएको हो।

उनीहरुले प्रहार गरेको दुई थान कुखुरी नेपालगन्ज उपमहानगरपालिका–५ फुल्टेक्रास्थित सडक बाटो नजिक बुट्यान झाँडीमा फेला पारी बरामद गरी अनुसन्धान भइरहेको जिल्ला प्रहरी कार्यालय बाँकेले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु