लोड गरिएको पेस्तोल र गोलीसहित एक भारतीय नागरिक पक्राउ

सुरक्षा/अपराध

नेपाल लाइभ सोमबार, पुस १८, २०७९ ०८:२०

काठमाडौं– सशस्त्र प्रहरी बल बाराले गोली लोड गरिएको पेस्तोलसहित एक जना भारतीय नागरिकलाई पक्राउ गरेको छ।

आइतबार साँझ ६ बजेर २० मिनेटको समयमा बाराको पचरौता नगरपालिका–४ स्थित बीओपी बेल्दारीबाट खटिएको पैदल गस्ती टोलीले गुलरियास्थित नाकाबाट आउँदै गरेका ती भारतीय नागरिकलाई शंका लागि चेकजाँच गर्दा पेस्तोल र गोलीसहित पक्राउ गरेको हो।

पक्राउ पर्नेमा भारतको पूर्वीचम्पारण जिल्लाको मोतिहारी–१६ बस्ने ४० वर्षीय चन्दन कुमार रहेका छन्। पक्राउ परेका चन्दनकुमारको साथबाट दाहिना कम्मरमा होस्टाइलभित्र मोडल नम्बर २०२२ आरएफआई पेस्तोलमा तीन राउण्ड गोली लोड भएको अवस्थामा र चार राउण्ड केएफ ६.५ होस्टाइल राखिएको गरी एक थान पेस्तोल, उक्त पेस्तोलको म्यागेजिन र उक्त पेस्तोलमा लाग्ने सात राउण्ड गोली बरामद गरिएको छ।

साथै उनको साथबाट ११ हजार २७० भारतीय रुपैयाँ र भारतीय आधार कार्ड तीनवटा (आफ्नो, श्रीमती र दाईको नामको)पनि बरामद गरिएको छ।

उनलाई आवश्यक कारबाहीका लागि इलाका प्रहरी कार्यालय सिम्रौनगढलाई बुझाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु