काठमाडौं– प्रदेश-१ को सरकार गठनका लागि पुस २४ गतेसम्म दाबी पेस गर्न आह्वान गरिएको छ। प्रदेश प्रमुख पर्शुराम खापुङले पुस २४ गते आइतबार बेलुका ५ बजेभित्र मुख्यमन्त्रीमा दाबी पेस गर्न आह्वान गरेका हुन्।
संविधानको धारा १६८ को उपधारा २ अनुसार सरकार गठनका लागि आह्वान गरिएको हो। संविधानको धारा १६८ को उपधारा १ मा एकल बहुमतको सरकार बनाउने व्यवस्था छ। तर मुख्यमन्त्री नियुक्तका लागि प्रदेशसभामा कुनै दलले स्पष्ट बहुमत प्राप्त गरेका छैनन्। त्यसैले नेपालको संविधानको धारा १६८ को उपधारा २ बमोजिम प्रदेशसभामा प्रतिनिधित्व गर्ने २ वा २ भन्दा बढी दलहरुको समर्थनमा बहुमत पुर्याएर मुख्यमन्त्रीमा दाबी पेस गर्न भनिएको छ।
९३ सदस्य रहेको प्रदेश सभामा नेकपा एमालेका ४०, नेपाली कांग्रेसका २९, नेकपा माओवादी केन्द्रका १३, राप्रपाका ६, नेकपा एकीकृत समाजवादीका ४ र जसपाका १ जना सांसद छन्।
सरकार गठनका लागि ४७ जना सांसदको समर्थन आवश्यक पर्नेमा एमालेकै ४० जना भएकाले माओवादी र जसपाको समर्थनमा स्पष्ट बहुमत पुग्नेछ।
नेकपा एमालेबाट मुख्यमन्त्रीको दाबी गरिएको छ। एमाले संसदीय दलको नेतामा हिक्मतबहादुर कार्की चयन भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
