काठमाडौं– राजधानीमा जारी पहिलो संस्करणको नेपाल टी–ट्वान्टी क्रिकेट लिगमा जनकपुर रोयल्सले विराटनगर सुपर किङ्सलाई पराजित गरेको छ।
जनकपुरले विराटनगरमाथि ४९ रनको जित हासिल गरेको हो ।
कीर्तिपुरस्थित त्रिवि क्रिकेट मैदानमा शनिबार भएको खेलमा १९० रनको लक्ष्य पछ्याएको विराटनगरले २० ओभरमा ७ विकेट गुमाएर १ सय ४० रन मात्र बनायो।
पाँच खेल खेलेर चार जित हात पारेको जनकपुर आठ अंकका साथ अंक तालिकाको दोस्रो स्थानमा रहेको छ।
पाँच खेल खेलेर दुई जित हात पारेको विराटनगर भने दुई अंकका साथ अंक तालिकाको चौथो स्थानमा रहेको छ।
यस्तै, शनिबार नै भएको पहिलो खेलमा पोखरा एभेन्जर्सले लगातार दोस्रो जित हात पारेको छ।
प्रतियोगिताको छैटौं खेलमा पहिलो जित हात पारेको पोखराले आफ्नो सातौं खेलमा पाँच खेलसम्म अपराजित रहेको लुम्बिनी अल स्टारलाई नौ विकेटले पराजित गरेको हो।
लुम्बिनीले दिएको १२८ रनको लक्ष्य पोखराले १८.२ ओभरमा एक विकेट गुमाएर पूरा गर्यो।
हारका बाबजुद लुम्बिनी तालिकाको पहिलो स्थानमा कायमै छ। जित निकालेको पोखरा भने ६ टोली सम्मिलित प्रतियोगिताको पाँचौ स्थानमा छ।
अङ्क तालिकाः
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1779770158.png)
-1764146706.png)
-1779545841.jpg)
