मन्त्रालयमा कानुन बमोजिमको काम गर्न मलाई भेट्नु पर्दैन : गृहमन्त्री लामिछाने

राजनीति

नेपाल लाइभ शुक्रबार, पुस १५, २०७९ १८:५६

काठमाडौं– उपप्रधान तथा गृहमन्त्री रवि लामिछानेले आफ्नो मन्त्रालयमा कानुन बमोजिमको काम गर्न मन्त्रीलाई भेट्नु नपर्ने बताएका छन्। शुक्रबार साँझ सामाजिक सञ्जालमार्फत यस्तो बताएका हुन्।

‘हाम्रो मन्त्रालयमा कानुन बमोजिमको काम गर्न मन्त्रीलाई नै भेट्नु पर्दैन। हाम्रा कर्मचारी साथीहरू तपाईंको हरेक समस्या सम्बोधन गर्न योग्य, सक्षम र प्रतिबद्द छन्। हामी, हुने कामलाई यति समयभित्र हुने र नहुने कामलाई यस कारण नहुने भनेर सेवा दिने तयारीमा छौं,’, उनले लेखेका छन्, ‘हाम्रो कामको तारिफ गर्न कन्जुस्याइँ गरे हुन्छ। तर खबरदारी चाहिँ दिल खोलेर गरिदिनु होला। जीवनमा आलोचक साथीहरू छन् र त सुखद यात्राहरू सम्भव भए। अबको यात्रामा पनि यसैगरी सघाउनु होला।’

मन्त्री लामिछानेले भेटघाट, फूलमाला, खादा र गम्छाको सिलसिलालाई रोकेर अब निरन्तर काममा लाग्नुपर्ने बेला आएकोसमेत बताएका छन्।

‘जीवन पाउनु र गुमाउनुको बेहिसाब बहीखाता हो जस्तो लाग्छ र बाल्यकाल देखि आजसम्म मैले आफ्ना तर्फबाट नगुमाएको र कहिल्यै नगुमाउने प्रतीज्ञा गरेको एउटै चिज इमानदारी हो। सम्पूर्ण माध्यमबाट प्राप्त बधाई, शुभकामनाहरूका लागि यहीँबाट धन्यवाद ट्क्र्याएको छु। अब भेटघाट, फुलमाला, खादा, गम्छाको सिलसिलालाई रोकेर निरन्तर काममा लाग्नुपर्ने बेला आएको छ,’उनले भनेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

फुङलिङमा 'नो केबलकार समूह' र प्रहरीबीच फेरि झडप

एमालेको मूल नेतृत्व विदेशी अनुदान प्राप्त संस्थाबाट पूर्णतः अलग रहेको शंकर पोखरेलको दाबी

श्रीपेच लगाएका मान्छेले रैती बनाएको देख्न चाहनेले जनताको छोरो प्रधानमन्त्री भएको देख्न चाहँदैनन् : प्रधानमन्त्री ओली