काठमाडौं– जितसँगै जनकपुर रोयल्स नेपाल टी–२० लिग क्रिकेटको दोस्रो स्थानमा उक्लिएको छ। कीर्तिपुरस्थित त्रिवि क्रिकेट मैदानमा बिहीबार भएको खेलमा जनकपुरले फार वेस्ट युनाइटेडलाई आठ विकेटले हराउँदै अंक तालिकाको दोस्रो स्थानमा उक्लिएको हो।
फार वेस्टले दिएको एक सय ७० रनको विजयी लक्ष्य जनकपुरले १८.२ ओभरमा दुई विकेटको क्षतिमा लक्ष्य पूरा गरेको थियो।
जनकपुरका लागि सन्दीप जोराले अर्धसतकीय पारी खेल्दै सर्वाधिक ७७ रन बनाए। यस्तै, चाडविक वाल्टनले अविजित ६९ रन जोडे।
बलिङमा फार वेस्टका करण केसीले दुई विकेट लिए।
यसअघि पहिले ब्याटिङ गरेको फार वेस्टले निर्धारित २० ओभरमा ६ विकेटको क्षतिमा एक सय ६९ रन बनाएको थियो। फार वेस्टका लागि करण केसीले ४६, भीम सार्कीले अविजित ३६ र देव खनालले २२ रन बनाए।
बलिङमा जनकपुरका ललितनारायण राजवंशीले दुई तथा सोमपाल कामी र जितेन्द्र मुखियाले एक–एक विकेट लिए।
चौथो खेलमा तेस्रो जित निकालेको जनकपुर ६ अङ्क बनाउँदै दोस्रो स्थानमा उक्लिएको हो।
चार खेलमा एक जित निकालेको फार वेस्ट दुई अङ्कसहित पाँचौँ स्थानमा छ। शीर्षस्थानमा रहेको लुम्बिनी अल स्टारको चार खेलबाट आठ अङ्क पुगेको छ।
अङ्क तालिका:
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
