काठमाडौं– महान्यायाधिवक्ता दिनमणि पोखरेलले २९औं महान्यायाधिवक्ताको रूपमा पदभार ग्रहण गरेका छन्।
महान्यायाधिवक्ता पोखरेलले बिहीबार राष्ट्रपति विद्यादेवी भण्डारी र प्रधानमन्त्री पुष्पकमल दाहालसमक्ष कामु प्रधानन्यायाधीश हरिकृष्ण कार्कीले शपथ खुवाएलगत्तै महान्यायाधिवक्ताको कार्यालय पुगेर पदभार ग्रहण गरेका हुन्।
पदभार ग्रहण गर्ने क्रममा कार्यालयका कर्मचारीहरूले महान्यायाधिवक्ता पोखरेलको भव्य स्वागत गरेका थिए।
पदभार ग्रहणपछि बोल्दै उनले न्यायको क्षेत्रलाई शीर ठाडो बनाएर हिँड्नसक्ने वातावरण बनाएर अघि बढ्न आवश्यक रहेको बताए। उनले लिडर नभइ लिडरसिपलाई अघि सारेर अघि बढ्नुपर्ने बताए।
न्याय क्षेत्रमा भएका समस्याहरूको समाधान खोजेर अघि बढ्नुपर्ने उनको भनाइ छ। उनले सरकारी वकीलहरूको सेवा शर्त सम्बन्धी छुट्टै ऐन ल्याउनका लागि आफ्नो तर्फबाट गर्नसक्ने प्रयत्न गर्ने प्रतिवद्धता जनाए।
उनले बनेका नीतिहरू कार्यान्वयन हुन नसक्दा धेरै समस्या आउने गरेको भन्दै बनेका नीतिहरूको कार्यान्वयन गर्न अग्रसर हुने पनि बताए।
महान्यायाधिक्ता पोखरेलले यसअघिका महान्यायाधिवक्ताहरूले गरेका राम्रा कामहरूलाई अघि बढाएर थप नयाँ काम गर्ने प्रतिवद्धता जनाए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
