सशस्त्र प्रहरीको सुविधामा गृहको कैची, घटाइयो पोसाकका सुविधा

सुरक्षा/अपराध

नेपाल लाइभ बिहीबार, पुस १४, २०७९ १५:०४

काठमाडौं– गृह मन्त्रालयले सशस्त्र प्रहरी नियमावली संशोधन गर्दै सशस्त्रका कर्मचारीलाई दिइँदै आएको सेवा–सुविधा घटाएको छ।

निमायवली संशोधन गरी सेवा सुविधाहरू कटौती गरिएको विषय पुस ११ गते राजपत्रमा प्रकाशित गरिएको थियो। जसअनुसार यसअघि सशस्त्र प्रहरीले पाउँदै आएका लत्ता-कपडामा कटौती गरिएको छ।

सशस्त्रले पाउने जुत्ता, कम्बल, गन्जी, कट्टुका केही सुविधा घटाइएको छ। यसअघि पिट्टी गन्जी–कट्टु एक वर्षमा दुई जोर दिइँदै आएकोमा अब एक जोर मात्रै दिइने भएको छ। कम्बल पनि दुई वर्षका लागि दुईवटा दिने गरिएको अब एउटामात्रै दिनेगरी सुविधा घटाइएको छ।

वरिष्ठ प्रहरी अधिकारीले मात्रै पाउँदै आएका टप बुट भने सशस्त्र अधिकृतले पनि पाउने भएका छन्।

गर्मी र जाडो महिनाको सेरेमोनियल सेट राजपत्रांकित अधिकृतसँगै सेरेमोनियल कार्यक्रममा भाग लिने अन्य सशस्त्र प्रहरी कर्मचारीहरूले पाउने भएका छन्।

कटन प्याडेट युनिफर्म सुटको सट्टा अब हिमाली चुस्ता दिइने भएको छ। हिमाली चुस्ता दुई वर्षका लागि एक जोर दिइने छ।

सशस्त्र प्रहरी परिचरका लागि दिइने सामान तथा पोसाकमा ठूलो कटौती भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

जय नेपाल कप शुरु, त्रिभुवन विश्वविद्यालयको बिजयी सुरुआत

स्ववियु निर्वाचन चैत ५ गते हुने

स्वास्थ्य बीमा सुधारका लागि स्वास्थ्यमन्त्री प्रदीप पौडेलद्वारा आन्तरिक थालनी, कार्ययोजना बनाउने प्रक्रिया सुरु