काठमाडौं– गृह मन्त्रालयले नियम विपरीत निजी सुरक्षामा खटिएका सुरक्षाकर्मीलाई ४८ घण्टाभित्र फिर्ता गर्न मातहतका सुरक्षा निकायलाई निर्देशन दिएको छ।
गृह मन्त्रालयका सहसचिव एवम् प्रवक्ता फणिन्द्रमणि पोखरेलले मंगलबार एक विज्ञप्ति जारी गर्दै ‘विशिष्ट व्यक्तिहरुको सुरक्षा व्यवस्थापन कार्यविधि २०७७’ विपरीत निजी सुरक्षामा खटिएका सुरक्षाकर्मीलाई ४८ घण्टाभित्र फिर्ता लिन सुरक्षा निकाय (नेपाल प्रहरी र सशस्त्र प्रहरी बल)लाई निर्देशन गरिएको जानकारी दिएका छन्।
विशिष्ट व्यक्तिहरुको सुरक्षा व्यवस्थापनलाई प्रभावकारी, व्यवस्थित र परिणाममुखी बनाउनका लागि कार्यविधि जारी गरिएको थियो। उक्त कार्यविधिमा बहालवाला तथा पूर्व कर्मचारी र सुरक्षाकर्मीहरुले व्यक्तिगत सुरक्षाकर्मीको सुरक्षा पाउने व्यवस्था रहेको छ।
तर, कार्यविधिमा व्यवस्था गरिएकोभन्दा विपरीत सेवा सुविधा लगायत व्यक्तिगत सुरक्षाकर्मी, सहयोगी भए ४८ घण्टाभित्र फिर्ता गर्न सुरक्षा निकायलाई निर्देशन भएकाले कार्यविधि पालना गर्न मन्त्रालयका प्रवक्ता पोखरेलले अनुरोध गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
